鮮奶燉蛋白（附食譜）

之前整失敗蛋糕嗰陣仲有啲蛋白同埋忌廉剩喺度，為咗唔想浪費，所以今日決定用佢地整埋甜品去，蛋白就用黎整鮮奶燉蛋白，至於忌廉，就用黎整意大利奶凍（可惜失敗咗，要搵日再試過）！

食譜：

鮮奶　　　　250 毫升
蛋白　　　　2 隻
砂糖　　　　1 1/2 湯匙

做法：

 

先將鮮奶煮至微滾，落砂糖調味之後熄火；將蛋白拂勻至略為起泡，加入鮮奶中拌勻然後過籂倒入碗中，用錫紙蓋好碗，以慢火隔水蒸約 10 分鐘即成！

唔知係咪因為用個火太細，蒸咗 15 分鐘都仲係液體狀，所以開大番少少個火，再蒸 15 分鐘，係就係凝固咗，但係感覺啲蛋白好似蒸到老咗；狐老公話唔夠甜味，而且佢話個質感豆腐花唔似豆腐花，唔鍾意食；狐太都覺得麻麻地，可以唔使再試！

鮮奶燉蛋白