大眾踩單車郊野上

今日約咗陳李姚氏去踩單車，正確黎講應該係學踩單車先啱，因為狐太本身唔係太識踩，所以要再學過！

一行人約咗 11:30 喺火炭站等，之後就去譚美介紹嘅單車舖租單車，價錢都幾抵，普通車 1 日都只係 $20，勁車就 $40 1 日！租好車就出發喇！

不過喺出發之前，狐太要先黎個特訓！由於狐太只係喺好多年前學過踩，學識之後一直荒廢無再踩，所以基本上等同唔識踩，有見及此，4 位男仕即刻為狐太進行特訓！經過佢地 4 位悉心教導後，狐太總算可以踩到，大家就準備向大埔出發，狐太嘅冒險之旅正式開始！

總括黎講今次踩單車都唔算辛苦，只係狐太太緊張，因為係第 1 次踩到咁遠（由火炭去大埔，再喺大埔返番去火炭）！狐太喺度多謝大家對狐太嘅耐性同忍耐，因為狐太踩得超慢，大家沿路都停咗好多次等埋狐太，又不停咁問狐太 ok 唔 ok ；狐太喺度特別要多謝李奧同狐老公，因為李奧沿路一直幫狐太開路同護航，喺前面 guide 住狐太；狐老公亦都緊跟狐太我之後睇住狐太；一見狐太有炒車危險，即刻走黎幫手，真係好感激同多謝大家；但係狐太都要喺度講聲對唔住，因為狐太唔識踩又踩得慢，拖慢大家進度，而且又搞到大家無得盡興咁踩，特別係狐老公，狐太知道狐老公係好想好自由咁踩單車，但係因為要睇住狐太，只可以喺狐太後面慢踩；見到咁樣，狐太真係唔係好開心，搞到大家掃哂興，真係好憎自己；如果因為狐太而令到大家唔開心，狐太喺度講句唔好意思 ！

2009 年聖誕燈飾 @ 尖沙咀碼頭 + 海港城

海港城聖誕燈飾 已於 11 月尾正式亮燈，所以今日同狐老公齊齊帶埋部相機去影相 ！  

今年海港城主題係小仙子，成個燈飾都係小仙子加紫色嘅花，好靚！不過狐太發覺原來要影紫色都幾難，經過咗 1x 次試相之後（加上個相機 mon 顯示出黎同實景有超大出入，紫變藍／紅），終於俾狐太影到稍為似紫色嘅相喇！

俾大家欣賞吓狐太影嘅相喇，唔好見笑 ！  

先黎維港夜景

海港城紫色燈飾

試影，都接近紫色，可接受喇

紫色門

紫色聖誕樹

今次主角 - 小仙子

呢個係全場最大嘅小仙子，要俾錢同排隊先可以同佢影相，狐太只係喺外圍同佢影相咋

小仙子近鏡

無聊影吓佢啲花

海港城入口燈飾

呢個又係影咗好耐先較為滿意，影到佢啲紫花

側邊嘅花花

喺花瓣之間嘅小仙子

門口＂街燈＂

影到咁上下，就到咗＂幻彩詠香港＂時間，set 好腳架，影

影到咁上下都係時候走喇（因為實在太多人喇）

影埋呢個牌，狐老公同狐太就離開海港城，向尖沙咀海旁進發

尖沙咀鐘樓

呢度算係東亞長廊啩

＂燈龍＂

明報周刋演藝動力音樂會

今日臨時有演唱會聽，點解？講起上黎要多謝雲迪，佢有 2 張明報周刋演藝動力音樂會嘅飛，原本愛美麗同阿 Be 都有興趣，但最後都落咗喺狐太手 ！  

同狐老公食完嘢，就慢慢行過去會展；今次演唱會都有好多嘉賓，包括有陳奕迅，容祖兒，吳雨霏，盧巧音，謝安琪，許志安，方大同，何韻詩，黃耀明同古巨基，每位歌手每人大約唱 4 首歌，估唔到成晚嘅高潮會係許志安，佢一唱番啲舊歌，成場觀眾都跟住一齊唱！成個演唱會大約 11:00 完成，真係多謝哂雲迪嘅飛！

音樂會場地

音樂會開始

第 1 位表演歌手 - 陳奕迅

之後到容祖兒


再黎係盧巧音

之後係吳雨霏

方大同

謝安琪

高潮位 - 許志安

何韻詩


明哥

最後壓軸係古巨基

加入單反家庭

一直以黎，狐太對自己影嘅相有啲要求；狐老公有見及此，就建議狐太試吓用單鏡反光相機；加上狐老公自己有啲心郁想換過 1 部高級少少嘅單反機（Canon 40D），所以順理成章，狐老公部舊嘅單反機 Canon 400D 就成為狐太嘅新玩具！

狐太嘅新玩具 - Canon 400D

狐老公嘅新玩具 - Canon 40D

11 月之星生日飯 @ 旺角五月花

又係時候同 11 月之星慶祝喇，今次去旺角嘅五月花到慶祝！

一坐低，大家即 order 嘢食，先黎小食，有螺肉，雞軟骨，雞翼！

螺肉

雞翼

呢個應該係牛

之後再叫咗清酒煮蜆

刺身，有三文魚，八爪魚同甜蝦

天婦羅

壽司

熟食，炒蝦

串燒

蟹籽沙律

咖喱煮青口

再黎壽司

五月花啲嘢食都 ok 好味，大家都食到飽哂，喺度預祝 11 月之星譚美生日快樂！

結婚 2 週年（布婚）紀念 @ 和田日本料理

今日係狐太同狐老公結婚 2 週年嘅日子，唔經唔覺咁就 2 年喇，當中發生咗好多事，有開心嘅，有唔開心嘅，都過咗去，狐太希望往後嘅日子同狐老公繼續開開心心，甜甜蜜蜜 ！  

今年同舊年一樣，因為係平日，狐老公又無假，所以只係去食餐飯慶祝，今次狐太揀咗北角粵海酒店嘅和田日本料理作為同狐老公慶祝 2 週年紀念日嘅飯堂！

狐太訂咗 8:00，早咗 15 分鐘到，不過和田唔俾狐太同狐老公入，要準時 8:00 先可以入，所以狐太同狐老公四圍行咗一陣準時 8:00 再返番去！

終於可以入去，和田地方唔係好大，位與位之間都唔係好濶落，狐太同狐老公被安排坐 2 人位，咁啱對正部電視，可以睇麗妃娘娘 ！之後開始點嘢食，和田嘅模式同上次去尖咀嗰間大吉一樣，都係寫紙仔 order 嘢食；狐太之前喺＂開飯＂到睇過佢啲食評，知道佢地啲刺身幾好，所以 order 咗刺身先！  

刺身總括黎講都幾新鮮，只係略為細件咗啲

之後再 order 芝麻八爪魚，份量亦都唔多，可接受喇

飲品方面，狐太知道熱嘅麥茶好好飲，所以 order 咗 1 杯，狐老公就叫咗 1 杯凍嘅，味道果然唔錯，好飲！

熱麥茶

凍麥茶

之後再 order 一連串嘅燒物，炸物同天婦羅，佢啲炸嘢就真係麻麻地，串燒方面，冬菇唔錯，幾好味；至於天婦羅，佢個香蕉天婦羅真係好好味，狐太同狐老公 encore 咗幾次添！

 

串燒 ok，冬菇我最 like

炸物真係麻麻，唔夠熱

天婦羅好食，特別係香蕉

呢個係鹽燒秋刀魚，可接受，係唔太夠味，鹹啲會好食啲

可能唔係太多選擇，所以係食到 9:00 幾到，食埋個雪糕就走人喇

綠茶味雪糕，ok 喇

總括黎講，呢度啲食物一般喇，選擇亦都唔太多，當係 1 次新嘗試喇，下次都係睇清楚先好訂位！

肌瘤跟進

尋日再去睇醫生，不過今次係睇婦科醫生，因為上次只係睇普通科，個醫生解釋得唔夠詳細，經毛毛介紹，去見佢睇開嘅婦科醫生！

準時 3:30 去到診所，等咗一陣就入去見醫生，先講咗 1 次有乜嘢問題，之後醫生就幫狐太照陰超！醫生先望完，之後佢就俾狐太睇肌瘤喺邊個位置；照完之後，佢再詳細解釋俾狐太聽而家嘅情況！

醫生話狐太個肌瘤同上次照喺數字有少少出入，但係都唔係太大問題，而佢身處喺子宮頂，如果佢唔大的話，應該對生育無乜影響，不過醫生都建議狐太農曆年前再去照多次，以確定個肌瘤真係唔會長大先好計劃生育！

另外醫生特別指明叫狐太千萬唔可以飲豆漿，而且亦都要謝絕所有補品以及中醫治療，以免個肌瘤有任何變化；至於＂打針雞＂同狐太至愛嘅豆腐，醫生亦都建議儘量唔好食太多，其他都可以照食！

今次費用連埋化驗總共 $1000 大元，價錢都合理，至少狐太得到專業意見，個心都定番啲，希望 3 個月後再去照嘅結果令人滿意，咁就真係安樂哂喇！

老公畢業禮

今日係狐老公行畢業禮嘅日子，狐太同狐 99 一早去到 Poly 等待畢業禮舉行！

畢業禮喺 9:45 開始，大約個幾鐘完成，之後就係影相環節！

畢業禮場地，喺 Poly 嘅賽馬會綜藝館舉行

主禮嘉賓上台

行禮，典禮正式開始

狐老公等待叫名然後去＂扑頭＂

＂扑頭＂一刻

＂扑頭＂儀式完之後就代表禮成，狐老公正式畢業喇！

狐老公同＂輝輝＂一齊戴四方帽影合照

狐老公同狐 62 狐 99 喺 Poly 唔同地方留影

畢業典禮場刋

紀念品，相架 1 個

步走大自然 2009 @ 米埔

今日參加咗狐老公公司嘅活動 － 親親大自然，去咗遊米埔！

一早 8:30 喺上水火車站集合，之後再齊齊坐大巴入米埔！到咗米埔，先黎個大合照，之後就開始咗今日嘅遊米埔活動！

準備影大合照

出發

今日天氣好好，但係有啲熱，雖然係喺平地行，狐老公同狐太都出咗一身汗，但係感覺好舒服！

米埔有個荷花池，好靚

成個活動大約用咗 2 個鐘完成，完成之後，仲有紀念品添，有 1 個米埔環保袋，入面有 1 支水同 1 條麥條，另外仲有 1 盆小盆栽添！

紀念品

萬壽菊

雀斑花