嘈小姐與喪之婚禮

今日係嘈小姐同喪大婚嘅日子，喺度祝佢地白頭到老，永結同心 ！  

成個婚禮都進行得好順利，而且仲好甜蜜添，因為喪本身唔係好識音樂，但係佢為咗呢個婚禮同俾驚喜嘈小姐，佢專情去苦練琴技，喺婚禮上彈咗 1 首嘈小姐好鍾意嘅歌，真係好 sweet 呀，而且佢仲送咗 99 支玫瑰同 1 隻好巨嘅鑽石戒指俾嘈小姐添，成個場面真係好溫馨甜蜜！

可以見証到嘈小姐嘅婚禮真係好開心，狐太仲幫佢影咗好多相添，喺度再次祝佢同喪幸福快樂！

http://adachung.shutterfly.com/4270

喺等開席之前，狐太同愛美麗同 EL 再加老細組成 1 個奇特組合打麻雀，真係唔知會唔會有第 2 次，非常好彩地狐太同愛美麗做咗贏家，承讓哂！

探訪劉小 B

今日去咗探訪陳仔同佢囡囡，原本約咗老易一齊去，但係因為收工趕唔切 meet 佢，而且佢又約咗人，所以佢先去探陳仔，狐太同狐老公一齊上去！

因為係政府醫院，探訪每次只限 2 個人！入到去，見到陳仔面色同精神都唔錯（因為佢之前有少少發燒），囡囡就瞓咗喺側邊嘅 bb 箱，囡囡瞓覺個樣好似陳仔，見到佢真係好可愛，不過由於佢太細個，狐太有啲擔心會整親佢，所以今次無抱佢，留番等佢大個少少先抱佢玩，期待中 ！  

識咗陳仔 1x 年，見住佢拍拖，結婚，到而家佢囡囡出世，時間真係過得好快，今日真係好戥佢高興，喺度祝囡囡健健康康，快快樂樂咁成長！

2009 年秘書節

今日係一年一度嘅秘書節，其實狐太對呢個節日無乜認知，咁多年都過咗就算，估唔到今年 2 位老細會記得，雖然無慶祝，但係佢地都送咗少少禮物俾狐太作為小小心意，真係多謝哂大衛同 Y Lam！

 

呢份係大衛送嘅禮物

 

Y Lam 送嘅禮物

狐太確實係 1 個為食嘅秘秘 ！

劉小 B 出世喇！

恭喜哂劉佬佬同陳仔，佢地囡囡今日出咗世喇，係 1 個重 6 磅幾嘅 bb，真係可喜可賀，喺度祝囡囡快高長大，聽教聽話，好期待星期四見吓囡囡 ！

Housewarming Tea Party

今日約咗一眾同事黎狐家 housewarming！

為咗迎接佢地嘅來臨，狐太專情由尋日開始為佢地準備 1 個豐富嘅 tea party！今次嘅 tea party 有幾樣嘢食，有吞拿魚／火腿芝士三文治，吞拿魚蜜桃（喺陳大明到偷師返黎），菠蘿腸仔，五香焗雞翼，雲石蛋糕（原本整咗 tiramisu，但係可能中間過程出咗問題，結果失敗咗，所以臨時抽起埋 cookies，轉整個 recipe 話“包唔會失敗”嘅雲石蛋糕），Jelly，木槺布甸同無色嘅雜果賓治（又係喺陳大明到偷師返黎），仲有花灑嘅工人姐姐整咗春卷，當然唔少得薯片同其他飲品喇！

佢地一行 9 人（有愛美麗，經理，V 仔，“藍小姐”同佢男友，花灑，啤酒沈，雲迪同埋 Y Lam）浩浩蕩蕩咁喺下晝上到黎，狐太當然即刻攞啲嘢食黎招呼佢地喇，大家吹吓水食吓嘢！

食完嘢當然係打機喇，狐太又用“美少女跳舞”黎招呼佢地；雖然狐太同愛美麗好合拍，但係都暫時仲停留喺啱啱上星空嗰關！

之後因為花灑想學打麻雀，所以就麻煩狐老公去冒雨買麻雀板！花灑喺經理同 V 仔悉心教導下，好快已經學識點打麻雀，佢而家應該仲叻過只係識食糊嘅狐太喇！大家只係玩票性質咁玩咗 1 圈，之後影埋大合照（女仕們），今日嘅 party 就完結喇！


竹戰中

精心幫花灑安排嘅十三么

今日玩得好開心，大家有講大笑，仲要多謝大家嘅一番心意，送咗 1 部 PS3 做入伙禮物（喺度特別鳴謝 Y Lam），真係多謝哂大家！

女子組大合照

大吉居酒屋 Izakaya Daikichi

之前喺雜誌見到大吉賣廣告，任食日本放題兩個鐘都只係 $138 1 位，如果 8 位以上加其中有人生日，仲會送 1 個壽司蛋糕添，所以相約陳李姚氏今日齊齊去大擦一餐！

大家大約 7:30 去到，第 1 round 任食放題已經開始咗，大家一坐低就即刻 order 嘢食；有刺身，壽司，天婦羅，炸物，焗蠔，燒羊鞍，鹽燒秋刀魚同鯖魚，牛油炒雜菇，炒雜菜，雞軟骨，軟骨餃子等等，啲嘢食係多到張枱都放唔落，要黎到即每人夾 1 件就交番隻碟俾
waiter，而且仲要好似“狂風掃落葉”咁，唔使 1  個鐘就食哂大部份 order 咗嘅嘢，勁呀！

佢啲食物都幾新鮮同幾好味，所以我地好快又 order 第 2, 3, 4 round 食物，大家又以風速再次掃哂所有食物！

唔同嘅壽司同刺身

天婦羅

炸物

一黎到就夾哂嘅焗蠔

燒羊鞍

鹽燒秋刀魚同鯖魚

牛油炒雜菇

炒雜菜

雞軟骨

軟骨餃子

食咗幾轉之後大家都開始飽，喺呢個時候 waiter 攞咗個壽司蛋糕出黎，喺咁嘅情況之下，大家又用”慣例”，以包剪揼嘅方式去解決呢個蛋糕，今次玩法有啲唔同，今次係贏家先有得食，結果由狐太，狐老公同李奧勝出，齊齊瓜分呢個壽司蛋糕．．．．．．．．上面嘅刺身！經過咗 2 個鐘喪食，今日又再次爆肚！

今日嘅主角，壽司蛋糕！

2009 年復活節假期回顧

今日係復活節假期最後 1 日，放咗 4 日假，有 3 日都超級忙碌呀！

4 月 10 日

99 外家一行十幾人上咗黎狐家到 housewarming，狐老公嘅小表妹非常之可愛，不停追住狐家 2 位小公主玩，嚇到佢 2 個又再次唔認得對方，對住對方”張牙舞爪”！

4 月 11 日

經過咗尋日嘅熱鬧，今日過得較為平靜，只係夜晚約咗姚氏打羽毛球，可能年紀大，打唔夠 15 分鐘已經成個人好攰！姚生非常之勁，越打越精神，仲打到連鞋都甩埋添，果然厲害！打完波齊齊去新開嘅韓國餐廳醫肚，唔知係咪太肚餓，覺得佢個石頭鍋飯好好味，只係份量少咗啲；要再轉戰下一站 - 老麥！狐老公叫咗 1 個雞翼餐加雪糕，而姚生就叫 1 個 double 足三両加雪糕，又再一次爆肚！

4 月 12 日

今日狐家又再一次好熱鬧，因為 99 外家又再一次上黎 housewarming，今次仲多人過前兩日，因為今日主要係為狐婆婆慶祝生日！狐太同狐老公中午先同林同學同迪迪仔切磋球技，之後即上返屋企迎接大伙兒！人齊之後就切蛋糕，跟住自由活動！到咗夜晚，大伙兒齊齊出去食飯，間餐廳非常之好，預備咗好多食物招呼，呢日又食到爆肚！

另外今日係陳太生日，祝陳太生日快樂！

4 月 13 日

原本諗住今日可以休息吓，點知狐媽咪話要拜山，結果狐太要由新界東去新界西，再去港島東然後返新界東，呢個假期真係超級充實！

Osim iPamper

而家按摩唔需要再假手於人喇，可以自己黎喇，因為狐老公買咗個 Osim iPamper 返黎！

好早之前狐太已經有膊頭痛嘅問題，一直都要狐老公幫狐太做按摩；自從狐老公轉咗做文職，都開始有呢個問題，變咗每晚大家都輪流做對方嘅按摩師！有見及此，加上近排 Osim 有 promo ，所以狐老公即買咗個 iPamper 返黎，只需要插電就可以自己幫自己按摩喇，超 good 呀！

呢個就係 iPamper 喇

其實狐老公買呢個原本係諗住俾驚喜狐太架，不過狐太好醒目咁估中咗，但係都要多謝狐老公！

草蜢忘我演唱會

今日同狐老公去咗睇草蜢忘我演唱會！

收工即過紅磡先去 Poly 醫肚，之後先慢慢行去紅館睇演唱會！大約 8:30 到準時開 show ，整個演唱會最精彩既部份就係佢地唱會番梅姐啲歌，非常之好聽，另外當然唔少快歌熱舞喇！原來唔講真係唔覺，草蜢已經成立咗 25 年，所以啲粉絲都係同狐老公同狐太差唔多年紀甚至更大，但係都仲好熱情，會＂聞歌起舞＂， 勁！總括黎講今次演唱會都 ok ，而且發覺原來坐山頂位都幾 good ，因為無摭無擋！

喺山頂影落去嘅舞台，主題係 "Getting Wild Tonight"

 

唔同嘅燈光效果

 

佢地當晚嘅第 1 套衫

 

個人獨照

 

第 2 套衫，呢個時候當然係勁歌熱舞喇

  

最精彩嘅部份，唱梅姐啲歌

 

第 3 套衫，阿細稍後仲除咗件披展露佢嘅肌肉添呀

4 月之星生日飯兼 Housewarming

今日約咗陳李姚氏上黎 housewarming 兼幫 4 月之星（狐老公同陳太）慶祝生日，今日又係打邊邊，由於狐家無電磁爐同煲，所以星期五即刻走去買個爐返黎，再添置一啲碗筷同打邊邊用具！

佢地大約 5:00 到上到黎，吹咗一陣水，等埋李氏上到黎就開餐喇！今日真係辛苦哂陳李姚氏喇，李氏負責買餸，今餐超級豐富呀，有 1x 樣嘢食呀，包括有肥牛，金菇，丸同芝士腸，蟹柳，蘿白，粟米，生菜，白菜苗，炸魚皮，蝦，大魚（唔記得咗乜嘢斑），貴妃蚌，桶蠔同鮑魚！由於狐太唔係好識廚藝，兔兔仲要負責埋洗哂添！而陳氏就由陳大廚負責劏魚同切嘢，姚氏就負責買飲品同蛋糕，狐老公同狐太好似乜都無做過，只係負責食，真係慚愧呀！

肥牛

金菇

唔同嘅丸加芝士腸

蟹柳

超甜嘅粟米

炸魚皮

好新鮮嘅蝦

超抵嘅斑，睇吓陳大廚刀法幾 good ，切同砌到條魚幾靚

超大隻同好靚嘅貴妃蚌

大大隻桶蠔

好味嘅鮑魚

豬骨湯底，加咗蘿白入去，好清甜

幾豐富！

食飽飽飯，大家就坐定定睇美女廚房，真係笑爆咀，之後當然係今日嘅壓軸喇，切蛋糕儀式，今次姚太買咗天使蛋糕，好味！

生日之星與蛋糕合照

切蛋糕儀式

2 位壽星仔女同另一伴合照

食完蛋糕，其實大家都已經好飽，但係大家都好嘗面食埋狐太試整嘅木槺布甸，真係爆哂肚，”滿載而歸”呀！

狐太跟小歌嘅做法整嘅木槺布甸

狐老公生日 ＋ Housewarming

今日係狐老公生日，喺度祝狐老公生日快樂，開開心心 ！  

雖然今年狐太無安排到任何節目同禮物，但係就有林同學佢地一班朋友黎同狐老公慶祝！狐太先約咗 lunch 一齊飲茶，有成 9 個人出席呀，狐老公同狐太 2 個喇，林同學喇，迪迪仔 2 公婆喇，朱仔 2 公婆喇，昌昌，仲有難得放假嘅陳其添！

飲完茶，大家先拉大隊去參觀林同學新居，仲同佢位好熱情嘅小公主玩添，之後就再上狐家到 housewarming！

大家參觀完一輪之後，就開始玩 wii 喇；狐太當然係用”美少女跳舞”黎招呼佢地喇；大家今次玩協力過關，第 1 組參賽者係林同學同陳其，估唔到林同學咁利害，佢同陳其幫狐太以超高分數過咗第 1 關屋仔，之後就輪到第 2 組參賽者朱仔 2 公婆，朱仔仲利害，佢同林同學簡直係”舞王”，第 3 組參賽者係狐太同狐老公，狐太未掌握到個竅門，完全跳唔到，要搵”舞王”黎打救，結果今日一口氣過咗 4 關，去到”衝上雲霄”飛機關 ，狐太仲拍咗唔同組別嘅跳舞英姿添呀！  

夜晚大家就過咗大圍小肥牛打邊邊．佢地食完飯仲意猶未盡，再上番林同學到睇波兼劈酒，狐太就當然係返屋企繼續狐太嘅”舞動奇蹟”喇！就係咁，狐老公嘅生日就喺咁多位朋友陪伴下渡過咗喇！

陳其送咗支 1.8 L 嘅日本清酒俾老公，超級巨大，多謝哂陳其！