1206 冒險樂園之旅

今日見無嘢做，同兩位狐小姐食完早午餐，約埋謙爸媽一齊出發去冒險樂園玩！

今次係去黃埔冒險樂園，買好哂套票同代幣就出發去冒險！

套票主要係用黎玩大型機動遊戲如跳樓機，大型波波池，火車，海盜船等等，狐家姐先挑戰咗跳樓機；狐家姐係第 1 次玩呢啲機動遊戲，玩時好緊張同有啲驚，玩完又話好好玩；之後就去玩波波池；而狐媽媽就同狐妹妹去坐火車之後再加入玩波波池！

狐妹妹都幾大膽，自己一口氣爬上最高嗰層波波池然後玩滑梯落返黎，一啲都唔驚仲笑哂咁；之後仲有玩碰碰車同海盜船添；玩完遊戲換咗幾包糖就離開，之後約埋兔兔一家一齊食飯，兩位狐小姐今日玩得好開心！

1026 BBQ 聚會

今日約咗陳李姚氏 3 家一齊去 BBQ，地點係泥涌！

今朝一早同狐家姐學完琴，等埋狐爸爸洗牙，狐家就出發匯合陳李姚氏！

今日真係好齊人，4 家大小朋友都到齊，好耐無試過喇！今日天氣唔錯，唔熱；小朋友玩得好開心；大家仲黎咗張大合照添！

兩位狐小姐一返到屋企洗完白白就好早上床瞓覺，期待下一次聚會！

427 港島遊玩日

今日一早又約咗大明 1 家食早餐（因為幫大明搶購咗紅米做交收），食完早餐，例牌上大明屋企玩！

見大明話同謙謙坐電車，狐家姐又話要一齊去，於是等小朋友開完餐就出發去港島坐電車！

大夥先坐巴士過北角，然後喺北角電車總站上車；謙謙仔同狐家姐勁開心，沿途不停咁講嘢；見仲有少少時間，大夥決定喺金鐘落車，向香港公園進發！

原來呢度嘅兒童遊樂場有個沙池，狐家姐見到沙池勁開心，佢仲有個挖沙機俾小朋友玩；至於狐妹妹，都有落一落沙池印吓腳印仔；大約玩咗 1 個鐘，見天黑就坐車返入馬鞍山食飯，咁就過咗開心又可以幫小朋友放電嘅 1 日！

遊玩 @ 佐敦谷公園

今日同埋大明一家去咗佐敦谷公園玩！

狐家食完早餐就坐車去九龍灣會合大明一家，再坐車上佐敦谷公園！之前見好多朋友去玩，話地方好空曠，今日去到，果然超大地方，好適合三五知己齊齊去玩！

搵地方坐低，謙謙同狐家姐就急不及待走去玩；狐妹妹都唔執輸，一到步就瞓醒，即落地周圍行，勁開心！今次只係帶咗吹波槍同皮球黎玩，下次可以帶遙控車或風箏黎玩，仲可以野餐添！

222 BK 蛇 B 生日扒地

之前喺 BK 識咗 1 班媽媽，大家嘅 BB 都係 2013 年 2-4 月出世，所以約理一齊開 1 歲生日會！

今日舉行嘅地點係港鐵會所，大約點幾去到場地，媽媽們大部份已經到咗，場地亦都佈置得7788，而且仲有場刊添！

之後就開始大食會，食完嘢當然係玩遊戲喇，有爬行比賽，換片比賽等；另外又有幾樣投票比賽，最具餅印，最可愛，最佳造型等等；遊戲之後當然唔少得大抽獎喇；仲有切蛋糕添！

今日玩得好開心，禮物好豐富，媽媽們又好有心，為生日嘅主角們準備小禮物，辛苦哂 Cat 媽，DD 等等一班搞手媽媽！

蛇年團拜 @ 李家會所

今日係年初八，約咗陳翟林（新配搭）一齊去李家會所搞團拜，今次仲叫咗盤菜添呀！

8 月之星生日飯 @ 金滿庭

話咁快又就到狐太生日，今日陳李氏約咗狐家去馬鞍山金滿庭食飯慶祝！

今日叫咗 7 個餸，有砂鍋雲吞雞，清炒菜心，賽磅蟹，肉鬆配蝦餅，雞，千層豆腐同埋炒飯；好豐富而且好好味，大家一路食一路傾，食到 10:00 就各自返屋企！

今日見陳太個肚已經落到好低，下次見面應該係謙謙仔出世喇，預祝陳太生產順利！

7 月之星生日飯 @ 煌府

今日約咗陳李氏食飯，慶祝 7 月之星兔兔生日！

今日去咗煌府食飯，真係唔該哂兔兔訂位！原本兔兔訂咗 7:00，狐媽媽因為多嘢做，結果要陳李氏等到 8:30 先有得食，真係唔好意思！

今次叫咗啲小菜，有片皮鴨，蝦，雞，金銀蛋莧菜，帶子玉環甫，好味，兔兔仲預先訂咗 3 個椰皇燕窩燉鮮奶，超級好味，今餐食得好飽，喺度預祝兔兔生日快樂，心想事成！

1 月之星生日飯

今日為陳大明慶祝生日，大家決定打邊邊！

又要再一次多謝李氏買齊哂材料上黎，仲要負責洗埋嘢，狐太呢個屋主真懶！

今次一樣有丸有腸，有肥牛，有桶蠔，有魚蝦，有蟹柳又有芋絲，有菜，另外仲有浸 3 秒就會淋嘅腐皮；另外大家亦為大明預備 A1 生日蛋糕！

幾豐富

丸

蟹柳，金菇，粟米

肥牛

丸，豆卜，蟹柳

呢個就係浸 3 秒會淋嘅腐皮

呢個都係牛

蝦

好大隻嘅桶蠔

魚

Q 版生根

魚皮餃

大明同蛋糕合照

吹蠟燭

同名牌合照

切蛋糕

喺度預祝大明生日快樂，大個仔喇，要生生性性呀！

迎接 2010 @ 朗廷酒店

今日係 2010 年 1 月 1 日，喺度祝大家（無論係自身，家人定朋友）新年快樂，新 1 年萬事如意，心想事成，願望成真，身體健康！

2009 年除夕，狐太同狐老公睇完＂花鼠＂食過晚飯，就向尖咀朗廷出發，因為約咗林同學佢地一齊倒數迎接 2010 ！  

今日大家都玩得好開心，亦都收到 2009 年最後 1 個而又係 2010 年第 1 個好消息，就係朱 BB 已經 3 個月大喇，喺度恭喜朱仔夫婦，亦都期待 7 個月後與朱 BB 見面！

Happy 2010！

大家黎個大合照

今日係香香生日，喺度祝佢生日快樂 ！

聖誕貓貓日

今日係聖誕節，祝大家聖誕快樂 ！  

今日無乜特別嘢做，所以狐老公同狐太約埋林同學一齊入屯門同娜娜同榮總睇戲，今日睇＂福摩＂，套戲都幾好睇，不過戲入面嘅＂福摩＂就同由細識到大嗰個＂福摩＂有啲距離，因為佢同華生都變成咗做 1 個好好打嘅人！

睇完戲之後就上咗娜娜家，又可以見到佢 4 位囝囡，狐太仲同佢地影咗好多好多相添 ！  

介紹佢地 4 位俾大家認識：

大哥 － 大舊粒粒

2 哥 － 比比

3 家姐 － 怕醜嘅妹妹公主


4 妹 － 叮叮郡主


今個聖誕就係喺佢地 4 個陪伴中度過咗喇！

2009 年聖誕扒地

今日係平安夜，狐老公同狐太約咗林同學佢地上黎開聖誕扒地！

今次大家叫到會，由迪迪仔兩公婆負責，食物好豐富而且好好味！

大家又傾又食，過咗一個好開心嘅平安夜，亦都要多謝娜娜，偉哥同甘妹專情喺英國同日本帶番黎嘅手信！喺度預祝大家聖誕節快樂！

呢支就係黎自英國嘅手信

呢份係娜娜喺英國買俾我嘅手信，係 Harrods 嘢，多謝哂

呢支係購自英國嘅 Rose Wine，個樽超靚，放喺雪櫃入面會發出淡淡嘅紅光

呢支就係偉哥同甘妹喺日本買嘅白酒，同 Baileys 一樣無開過封

2009 年聖誕扒地 @ 陳宅

今日同陳李姚氏開聖誕扒地，今次舉行扒地嘅地點喺陳宅！

大約 :00 去到陳宅，等埋李氏同姚氏，先黎＂熱身運動＂，女嘅就開枱，男嘅就打機，結果今日係姚氏獨贏；做完＂熱身運動＂，當然係開餐時間！

今次有刺身同 pizza，又有焗蠔，好豐富！

先黎熟食

焗蠔

焗雞翼

呢個應該係螺

Pizza

千層肉醬意粉

粟米焗肉醬薯蓉同焗海鮮飯

呢個應該係燒牛肋骨

跟住到冷盤

帶子刺身

蟹柳

甜蝦刺身

食物大合照

今次食物預得啱啱好，無多無少，又唔會食到爆哂肚！食完嘢，因為姚氏攞咗 2 支 2 公升可樂黎（其中 1 支食嘢嗰陣消耗咗），剩番 1 支，大家又唔想攞走，所以決定玩 "789" 黎消耗埋佢！

經過一輪激戰之後，結果飲得最多嗰個係大明，佢差啲飲到爆哂肚添！

飲完可樂，就到抽禮物時間！

大家準備嘅禮物，每份禮物上面都寫咗 1 個號碼，今次用啤牌黎抽，抽到邊個號碼就攞相同號碼嘅禮物！

啤牌已準備好喇，大家以包剪揼黎決定先後次序

大家都攞到自己嘅禮物，同禮物合照，影完相，大家就即場拆埋禮物

呢個就係禮物大合照喇！

狐太同狐老公抽到嘅禮物

香味劑

可儲物嘅箱

今日玩得好開心，可惜聽日要返工，所以今日嘅扒地 10 點幾就結束咗喇，期待出年再黎過！

大眾踩單車郊野上

今日約咗陳李姚氏去踩單車，正確黎講應該係學踩單車先啱，因為狐太本身唔係太識踩，所以要再學過！

一行人約咗 11:30 喺火炭站等，之後就去譚美介紹嘅單車舖租單車，價錢都幾抵，普通車 1 日都只係 $20，勁車就 $40 1 日！租好車就出發喇！

不過喺出發之前，狐太要先黎個特訓！由於狐太只係喺好多年前學過踩，學識之後一直荒廢無再踩，所以基本上等同唔識踩，有見及此，4 位男仕即刻為狐太進行特訓！經過佢地 4 位悉心教導後，狐太總算可以踩到，大家就準備向大埔出發，狐太嘅冒險之旅正式開始！

總括黎講今次踩單車都唔算辛苦，只係狐太太緊張，因為係第 1 次踩到咁遠（由火炭去大埔，再喺大埔返番去火炭）！狐太喺度多謝大家對狐太嘅耐性同忍耐，因為狐太踩得超慢，大家沿路都停咗好多次等埋狐太，又不停咁問狐太 ok 唔 ok ；狐太喺度特別要多謝李奧同狐老公，因為李奧沿路一直幫狐太開路同護航，喺前面 guide 住狐太；狐老公亦都緊跟狐太我之後睇住狐太；一見狐太有炒車危險，即刻走黎幫手，真係好感激同多謝大家；但係狐太都要喺度講聲對唔住，因為狐太唔識踩又踩得慢，拖慢大家進度，而且又搞到大家無得盡興咁踩，特別係狐老公，狐太知道狐老公係好想好自由咁踩單車，但係因為要睇住狐太，只可以喺狐太後面慢踩；見到咁樣，狐太真係唔係好開心，搞到大家掃哂興，真係好憎自己；如果因為狐太而令到大家唔開心，狐太喺度講句唔好意思 ！

11 月之星生日飯 @ 旺角五月花

又係時候同 11 月之星慶祝喇，今次去旺角嘅五月花到慶祝！

一坐低，大家即 order 嘢食，先黎小食，有螺肉，雞軟骨，雞翼！

螺肉

雞翼

呢個應該係牛

之後再叫咗清酒煮蜆

刺身，有三文魚，八爪魚同甜蝦

天婦羅

壽司

熟食，炒蝦

串燒

蟹籽沙律

咖喱煮青口

再黎壽司

五月花啲嘢食都 ok 好味，大家都食到飽哂，喺度預祝 11 月之星譚美生日快樂！

1022 BB Gathering

上次燒嘢食因為唔齊人，所以相約今日大伙再一齊同阿才一家食飯！

今日食飯地點係尖咀嘅客家好棧，酒樓安排咗 1 間房俾大伙；原本今日係舊同學聚會，結果變咗 BB gathering， 除咗因為小甘妹有出現之外，另 1 個就係阿才個囡＂才女＂喇！

＂才女＂好得意，眼大大而且好好肉地，肥嘟嘟超得意，小甘妹唔知係咪因為休息夠，加上又見到 1 個同自己差唔多年紀嘅 BB，所以小甘妹今日特別表情多多，佢同＂才女＂仲不時用 BB 話溝通添呀，就係咁，佢地 2 個好輕易咁吸引哂在座咁多個大人嘅目光，成為全場焦點，今日淨係同 2 個 BB 玩已經好滿足喇，唔知幾時可以再見到佢地 2 個一齊同場出現呢（阿才一家星期三就會飛去台灣，之後就會返英國）！

2 位媽媽同今日嘅焦點，2 位超可愛又表情多多嘅 BB

呢個就係＂才女＂喇，對眼係咪好大呢，啲頭髮又卷卷地

小甘妹今日都好多表情，精靈非常

佢地喺度講緊 BB 話

1011 BBQ

今日又約咗陳李姚氏去 BBQ，可惜狐老公要返工，所以今日係 7 人約會！

今日 BBQ 地點係早禾坑，由陳氏負責做司機，可能今日天色唔係幾好，所以好快搵到爐燒嘢食，不過狐太呢排唔係好舒服，所以唔係食咗好多嘢就收手，只係睇住陳李姚氏繼續燒！

天氣真係麻麻地，燒燒吓嘢食忽然間落雨，好彩陳太有帶備膠枱布，大家即刻用枱布蓋住啲嘢食；但係大家又想繼續燒嘢食，所以就用枱布當做雨衣著住黎燒，場面都幾搞笑！

可惜之後啲雨越落越大，所以大家最後決定早啲完結，早啲拉大隊去狐家到繼續下一場活動 - ＂游乾水＂！

912 大食會

上次見到兔兔佢地搞咗個大食會，咁啱狐老公同狐太有事無出席到，有見及此，所以今日再搞多次，不過都係唔齊人，因為狐老公要去舊同學聚會，所以今次得 7 個人！

今次好豐富呀，又要多謝兔兔同大明準備今餐！

呢個係用黎整蠔嘅餡

第 1 道菜，蒜蓉包，好味，同出面嗰啲一樣

第 2 道菜，蟹柳

第 3 道菜，三文魚刺身，好肥美，正

第 4 道菜，赤貝刺身

第 5 道菜，馬糞海膽

第 6 道菜，北寄貝刺身

第 7 道菜，甜蝦刺身

 

第 8 道菜，焗蠔，上面嘅係有芝士，下面係無芝士嘅

第 9 道菜，清酒煮蜆

第 10 道菜，煎餃子

第 11 道菜，焗雞翼

第 12 道菜，串燒

12 碟菜嘅大合照


飽哂 ，超級滿足呀！真係辛苦哂兔兔同大明，再期待下一次！

823 海鮮大食會

幾經辛苦，約咗好耐終於約到大廚陳其準備 1 個海鮮大食會，今日好齊人呀，13 個大人加 1 個小朋友，超級熱鬧呀！

今日真係辛苦哂陳其喇，佢為大家由 4:00 開始準備食物，睇吓今日有乜嘢食喇！

先黎大蝦同凍蟹，好味

跟住有煙三文魚雜菜沙律

之後有羊架

今日嘅切羊架師傅

蟹子伴柚子沙律

超級好味嘅生蠔

豬手加魚加南瓜薯角

之後仲有刺身（無相），再黎蒜蓉蒸鮑魚仔

最後係雜椒炒聖子

真係好好味呀，多謝同辛苦哂陳其喇，唔知又要等到幾時先可以再食得咁豐富呢，真係好期待呀！

小甘妹真係好可愛，一見到鏡頭就會笑，不過佢都有扭計時候，一見到奶樽就喊，唔肯食，真係辛苦偉哥同甘妹要諗盡方法要佢食奶！

好可愛嘅小甘妹

同媽媽合照

8 月之星生日飯之情侶 Tee 扒地

今個月之星係狐太，陳李姚氏為狐太搞咗個情侶 Tee 生日扒地，每 1 pair 都要著情侶 Tee 出席！

大約 4:00 點到達陳氏屋企，因為李氏負責去買今晚打邊邊嘅材料而未到，所以先同陳姚氏竹戰，等到李氏黎到之後，再 4 家決戰！

兔兔買咗個超香嘅榴槤，好味道，狐太一口氣食完 3 件之後，成晚個胃都頂住咗，搞到打邊邊嗰陣都無乜點食過嘢，兔兔仲專情買咗大量海鮮添！

打邊邊指定食物，大量丸加芝士腸加蟹柳

鮑魚同貴妃蚌（應該係）

打邊邊另一指定食物，肥牛

魚同蝦，睇吓大明放得幾靚

魚皮

豆卜，腐竹同埋放湯嘅馬蹄

魚皮餃

整到好似珊瑚咁嘅金菇

睇吓，幾豐富

食飽飽 ，又係竹戰嘅時候；之後就到切蛋糕時間，陳李姚氏今次為狐太咗準備咗芒果流心蛋糕，好味道，多謝哂大家！

呢個就係芒果流心蛋糕喇

蛋糕加中發白

同狐老公同蛋糕合照