1206 冒險樂園之旅

今日見無嘢做，同兩位狐小姐食完早午餐，約埋謙爸媽一齊出發去冒險樂園玩！

今次係去黃埔冒險樂園，買好哂套票同代幣就出發去冒險！

套票主要係用黎玩大型機動遊戲如跳樓機，大型波波池，火車，海盜船等等，狐家姐先挑戰咗跳樓機；狐家姐係第 1 次玩呢啲機動遊戲，玩時好緊張同有啲驚，玩完又話好好玩；之後就去玩波波池；而狐媽媽就同狐妹妹去坐火車之後再加入玩波波池！

狐妹妹都幾大膽，自己一口氣爬上最高嗰層波波池然後玩滑梯落返黎，一啲都唔驚仲笑哂咁；之後仲有玩碰碰車同海盜船添；玩完遊戲換咗幾包糖就離開，之後約埋兔兔一家一齊食飯，兩位狐小姐今日玩得好開心！