Lego 深淵 - City ATV Patrol (60065) 及 City Crook Pursuit (60041)

上次玩咗 Fire Chief Car 同 Monster Truck，狐家兩姊妹都幾 like ，狐家姐仲要求下次想要警車！

有見及此，狐爸爸同狐媽媽就決定買警察系列，今次揀咗 ATV Patrol 同 Crook Pursuit，兩姊妹一見到就超級興奮，睇黎佢地真係好鍾意玩！

Lego 深淵 - City Fire Chief Car (60001) 及 City Monster Truck (60055)

之前買嗰盒 Creative Building Cube 狐媽媽一直放喺公司無攞返屋企，因為怕配件太細狐妹妹會放入口！

狐妹妹而家大咗，又見謙爸話可以訓練佢地專注力，狐媽媽決定攞盒 Building Cube 返去俾兩姊妹玩；但因為盒 Building Cube 無人仔喺度，所以狐媽媽買咗 City Fire Chief Car 同 City Monster Truck ，又有人仔又有車仔，咁兩姊妹可以再利用 Building Cube 加入去一齊玩；睇黎狐媽媽開始跌入咗 Lego 呢個無底深淵入面喇！

2014 年聖誕禮物

截至今日，兩位狐小姐各自已收到 3 份聖誕禮物喇！

第 1 份當然係狐爸爸同狐媽媽送既 Peppa pig classroom set 喇！第 2 份係狐媽媽老細 JW 送既書， 1 本係 Peppa pig 時鐘書，1 本係聖誕老人書！第 3 份係謙爸同謙媽送既 Minnie 手錶同 Minnie 背包，狐妹妹大愛 Minnie 背包，攬到實一實，鍾意到不得了；多謝 JW 同謙爸謙媽送既聖誕禮物！

狐家姐遲黎既生日禮物

今日狐家姐收到 1 份遲黎既生日禮物，禮物係由狐姨媽送既，係狐家姐同狐妹妹至愛既 Peppa Pig ，仲要係 1 間 Playhouse 添；另外仲有 Peppa Pig 1 家 4 口既公仔添！

狐家姐見到份禮物真係開心到，仲要即刻拆出黎玩添，連狐妹妹都開心埋一份，真係多謝咁姨媽！

Lego 深淵 - Lego Creative Building Cube (10681)

之前見狐家姐同謙玩 Lego ，狐媽媽見到狐家姐玩得好開心，就好想買番 1 盒俾狐家姐（其實係滿足狐媽媽既虛榮心）！

咁啱狐媽媽其中 1 位老細亨利去 Legoland 玩，於是狐媽媽搭單請亨利幫買 1 盒 Creative Building Cube （結果亨利當手信送俾狐媽媽）；點解狐媽媽會揀呢個？因為佢無特定主題，可以俾狐家姐自由發揮鍾意砌乜都可以！

狐媽媽鍾意滿足咗自己既虛榮心擁有 1 盒 Lego ，希望狐家姐鍾意玩！

第 1 份農曆年禮物

今日同兩位狐小姐返狐婆婆到團年，估唔到會有禮物收；原來係狐姨丈嘅媽媽親手織咗 2 條蝴蝶頸巾俾兩位狐小姐，1 條紅色，1 條粉紅色，好靚，真係多謝哂狐姨丈嘅媽媽！

見到 2 條蝴蝶頸巾，睇黎狐媽媽又要做番織女，織嘢俾兩位狐小姐，如果唔係，啲工具又生锈架喇！

Noddy 卡通 DVD 及故事圖書套裝

好耐之前有優惠以 $199 買 1 套 Noddy DVD，見咁抵就買咗；點知成套都係歌，仲要每 1 首歌好明顥係重複駁長，完全唔值 $199 呢個價錢！

狐爸爸一直都想掉咗呢套嘢買過一套係故事形式嘅；最近狐爸爸喺拍賣見到有1 套二手 Noddy 套裝，入面有 8 隻卡通 DVD 同 8 本故事圖書，正係狐爸爸想要嘅嘢！

狐 BB 新寵 - B Duck

狐 BB 一向都好鍾意動物，貓係第 1 位，第 2 位係熊，特別鍾意鬆弛熊同 pooh pooh，熊貓都會有反應，第 3 位係鴨，見到啲沖涼鴨又係會大叫，第 4 位係狗，以上 4 種動物有 3 款狐 BB 都有公仔，係鴨仔無，見狐 BB 咁鍾意鴨仔，狐爸爸決定買隻鴨仔送俾佢！

星期六同狐爸爸去咗銅鑼灣行街，咁啱見到有 B Duck，狐爸爸睇中咗 1 款電話座，但價錢要成 $138，都有啲貴；記起吉吉島有 B Duck 賣，決定今日去吉吉島行！

吉吉島有 B Duck 專櫃，狐爸爸同狐媽媽有 2 隻特別鍾意，1 隻係普通公仔，不過隻色唔係黃色，可能因為少少卷毛關係，價錢係 $16x；另 1 隻就係黃色，而且佢仲揹住 1 個斜袋，好返學 feel，仲可以用黎袋糖添，不過佢就貴啲，要成 $18x ！

經過一輪商量再加問埋狐 BB  自己意見，狐爸爸買咗隻普通版，俾錢嗰陣狐 BB 已經攬住唔放；返到屋企即拆袋俾狐 BB 攬住周圍走同瞓覺！

新寵 - B Duck