小時候特集第 3 回

眨吓眼 2 位小公主 4 個月大喇，亦都係佢地同＂阿矇＂大哥一齊住嘅最後 1 個月，之後佢地正式進駐狐家！

4 個月大嘅小虎妹

跳上紙盒居高臨下

爛玩豬，貓籠都玩一大餐

細細個已經好鍾意同啲鞋＂親近＂


小虎妹：邊個影我

大頭貓

輪到 4 個月大嘅妹妹

又喺 sofa 玩

玩完 sofa 再玩貓籠

＂綠寶石王子＂？！

又玩捉迷藏

幾乖，肯俾狐老公抱


排排坐影靚相

大碼＂阿矇＂大哥同細碼妹妹

3 兄妹嘅合照，大碼＂阿矇＂大哥，細碼妹妹同中碼小虎妹

待續

72% 維也納特濃朱古力蛋糕（附食譜）

前排買咗 1 本新蛋糕書，見佢啲蛋糕超吸引，再加上同事阿 Sa 要求，所以狐太今日跟書整蛋糕，今次整嘅係 72% 維也納特濃朱古力蛋糕！

之前整幾次海綿蛋糕都失敗，所以狐上上網搵教整海綿蛋糕嘅方法，結果俾狐太搵到 Vanlily 教整嘅海綿蛋糕，上次整 Chocolate Mousse 嘅時候都試過，真係好 good，所以今次再繼續用佢教嘅方法整！

食譜：

A - 朱古力海綿蛋糕（6 吋圓形模）

全蛋　　　　3 隻（合共 177 克）
砂糖　　　　60 克（呢個份量俾原食譜減少咗大約 10 克）
低筋麵粉　　55 克
可可粉　　　15 克
牛油　　　　35 克

B - 朱古力軟心

淡忌廉　　　     90 克
72% 朱古力　　175 克
牛油　　　　　 45 克
鮮奶　　　　　 60 克
君度橙酒　　　 10 克（今次我唔記得加）

C - 朱古力面

淋面朱古力　　　120 克

做法：

整咗 A 先，雞蛋先用 70 至 80 度嘅熱水座 15 分鐘，低粉同可可粉過籂 3 次，牛油座溶，將蛋同糖用高速打 1 分鐘，之後將個盆傾斜，繼續用高速打 3 分鐘打至蛋糊 9 成企身，之後放平番個盆，用中速繼續打，兼且一路打一路轉個盆，直至蛋糊 10 成企身（即係打到唔會流動為止），分 3 次加入已過籂嘅低粉同可可粉快手拌勻，然後再加入已溶化嘅牛油，倒入模，放入預熱咗嘅焗爐，以 170 度焗 25 分鐘，焗好之後趁熱將蛋糕倒扣放涼，之後再片成 3 至 4 片！

到 B ，牛油室溫放軟，朱古力隔熱水座溶，先將朱古力同牛油拌勻，之後分 2 次加入鮮奶同淡忌廉，再加入橙酒拌勻成軟心！

將模圍邊，放入 1 片海綿蛋糕，倒入 B 抹平，如此類推，放入雪櫃雪至凝固；之後取出倒 C，繼續雪至完全凝固即成！

今次個海綿蛋糕真係好 good，好鬆軟，不過唔知係咪狐太攪得唔勻，個蛋糕出黎 1 面升得好高，1 面少少升，變咗梯形，所以結局去咗頭尾 2 片，中間都只係分多 2 片；至於個朱古力軟心，其實都幾 ok ，不過唔知點解切蛋糕嗰陣，佢好似好脆咁，一切就斷開咗，唔知關唔關用嘅牛油事呢，如果轉第 2 隻軟身啲嘅牛油，又或者直情唔用牛油，唔知效果係點呢？等狐太下次試驗吓先；個淋面朱古力因為係現成，所以無乜問題，只係預少咗，所以份量唔係好夠！  

呢個就係 72% 特濃朱古力蛋糕，個樣都唔差呀，味道都 ok

小時候特集第 2 回

因為 2 位小公主實在太可愛喇，所以我地每隔 1 個月就去探吓佢地！

4 兄弟姊妹 2 個月大嘅時候，個個為咗要出黎走動，跳哂上個籠頂到

2 位小公主又想出黎玩

呢張係 2 個半月嘅相，睇吓，小虎妹已經識得企喇

獅子初現

呢啲相係佢地 2 個最後同屋企人一齊影嘅相，之後佢 2 個就跟咗大哥去咗威威屋企暫住

3 個月大喇，玩到傻哂，啲毛幾亂

玩到上埋 sofa 添

輪到妹妹出場喇，一樣玩到傻哂

匿埋先

有嘢睇

個波波去咗邊

唔見嘅

見到佢喇，準備出擊

待續

小時候特集第 1 回

見到姚生幫 2 位小公主前日影嘅相，再睇番佢地細個時啲相，真係好大分別，有見及此，所以決定幫佢地黎個＂小時候特集＂，俾大家睇吓佢地細個嘅樣！

呢張相應該係佢地出咗世 1 個月到喇（唔係好記得），4 兄弟姊妹一齊喺 sofa 玩，大家估唔估到邊個係妹妹，邊個係小虎妹呢？

呢個係妹妹，睇吓佢瞓得幾冧

睇下幾冧，同埋佢幾細隻，1 隻手就可以托住佢喇

呢個咁爛玩嘅梗係小虎妹喇

黎個正面先

1 個掛住玩，1 個掛住瞓

待續

7 月之星生日飯 @ 魚米之尊

又到兔兔生日喇，今次去咗譚美介紹嘅魚米之尊到食飯，佢有 1 個百蚊嘅 buffet，有成 2x 碟餸架，普通嘢飲任叫！

好，先黎頭盤，有車厘茄，魚皮，爪，同埋 1 碟好得意嘅菜

跟住再黎齋三文魚生，唔錯，幾特別

之後係炸物，小丸子加咖喱角（應該係）

跟住係 1 個蟹湯

大大隻蝦，好味

跟住係魚鮫

蒜蓉青口

呢個應該係雞

唔知乜嘢煮豆腐，清清地，唔錯

呢個係水餃

呢個又係魚，幾野味

麵飽入面有咖喱

呢個係雞

河粉

呢個飯係推介，真係好食

呢個係冬瓜，入面包咗饀

最後係甜品，桂花紅豆糕

食飽飽，大家同壽星女黎張大合照