2015 年母親節禮物

又到咗一年一度既母親節，每年呢啲時候學校都會教小朋友整小手工黎送俾媽媽們，狐家姐學校都唔另外！

今日放工返到屋企，狐家姐就話有嘢送俾狐媽媽，原來係 1 張心心咭，狐家姐仲喺咭上面畫咗狐媽媽個樣（雖然係唔似樣），加上狐家姐既 1 句＂媽咪，母親節快樂＂同 1 個吻，甜哂！

除咗狐家姐，當然唔少得狐妹妹；狐妹妹雖然未係好知乜嘢係母親節，但佢居然識得同狐媽媽講＂I Love You Mummy"，忡要講咗 2 次添；狐媽媽真係好驚訝呢句會出自狐妹妹口中（可能成日睇電視學返黎）；狐媽媽好開心，多謝兩位狐小姐既＂禮物＂！

2015 年暑期班報名

又到咗開始報暑期班既日子，今年社區中心改咗報名方法，會員先要指定日子交時間抽籤表格，之後社區中心會進行抽籤，抽到的話就要指定日子指定時段去社區中心報名交錢！

今年好彩又抽到，報名時間係 2:00 至 3:00；狐媽媽安頓咗狐爸爸同兩位狐小姐，就出發去報名！去到先攞籌，之後就等叫號碼去報名；報完再等叫號碼交錢，成個過程大約 30 分鐘完成！

狐媽媽今次幫狐家姐報咗 4 個暑期班，分別係小小魔術師，夏日甜品，輕黏土同埋小型網球班，希望狐家姐鍾意呢啲暑期班！