2015 年暑期班報名

又到咗開始報暑期班既日子，今年社區中心改咗報名方法，會員先要指定日子交時間抽籤表格，之後社區中心會進行抽籤，抽到的話就要指定日子指定時段去社區中心報名交錢！

今年好彩又抽到，報名時間係 2:00 至 3:00；狐媽媽安頓咗狐爸爸同兩位狐小姐，就出發去報名！去到先攞籌，之後就等叫號碼去報名；報完再等叫號碼交錢，成個過程大約 30 分鐘完成！

狐媽媽今次幫狐家姐報咗 4 個暑期班，分別係小小魔術師，夏日甜品，輕黏土同埋小型網球班，希望狐家姐鍾意呢啲暑期班！