The Big Four 大家利事世界巡迴演唱會 2013 @ 2013 年情人節

今日係情人節，狐爸爸同狐媽媽嘅節目係掉低狐家姐走咗去聽 Big Four 演唱會！

其實佢地 2 年幾前嘅演唱會已經想去聽架喇，但買唔到飛；今次終於買到，仲要係尾場添，超期待！

一如其他演唱會一樣，俾原定時間遲咗開場，佢地 4 個都係搞吓爛 gag ，再唱吓自己同對方啲歌，ok 喇，係有啲笑位同感動位；狐爸爸同狐媽媽無等 encore 就走咗喇，返到屋企都成 12 點，唔知又要等幾耐先有得再睇佢地嘅演唱會呢！

《全方位認識胎兒成長及需要》講座 @ 12W5D + DUO 陳奕迅 2010 演唱會

今日先同狐老公去咗聽 BK 舉辦嘅講座，今次舉行講座嘅地點係喺會展，由 1 位營養師同 1 位婦科醫生主持！

講座舉行咗 2 個半鐘，主要都係講孕婦要注意嘅飲食，要吸收嘅營養等等，之後就講吓懷孕初，中，後期同生產嗰時要注意嘅嘢等等；聽完都多咗認識又有禮品攞，真 good！

 

今日收到嘅禮品，有尿片，紗巾，媽媽奶粉，兒童牙膏，護髮素同牙刷

聽完講座，夜晚狐老公過咗紅磡去聽狐太一直都好期待好想去嘅＂醫神＂演唱會！原本 2 年幾前已經有機會聽架喇，不過因為嗰時太接近婚期，所以嗰次就無緣去欣賞喇！

今次有得去聽真係好開心，但係之前有報導話＂醫神＂患咗感冒，把聲都沙哂，表現有啲失準，希望無影響到今日既表演喇！

準時 8:00 幾去到，演唱會喺 9:00 正式開始，全場都好興奮，＂醫神＂換咗 4，5 套衫，唱自己嘅歌又有唱其他歌手嘅歌，仲自彈結他添呀；雖然佢把聲都仲未係最好，有走音同埋有啲高音位去唔到，但係狐太覺得呢個演唱會真係好好睇；而且今日仲係 at17 嘅 Ellen 生日，二汶仲扮工作人員為 Ellen 送上生日蛋糕添，之後＂醫神＂仲帶領全場萬幾位觀眾一齊為 Ellen 唱生日歌添，場面真係好壯觀呀！

至於狐 BB 成晚都好靜靜咁聽＂醫神＂嘅歌，唔通佢覺得係催眠曲，所以狐媽媽可以好舒服咁睇成晚演唱會，睇黎狐 BB 對音樂無乜興趣！

明報周刋演藝動力音樂會

今日臨時有演唱會聽，點解？講起上黎要多謝雲迪，佢有 2 張明報周刋演藝動力音樂會嘅飛，原本愛美麗同阿 Be 都有興趣，但最後都落咗喺狐太手 ！  

同狐老公食完嘢，就慢慢行過去會展；今次演唱會都有好多嘉賓，包括有陳奕迅，容祖兒，吳雨霏，盧巧音，謝安琪，許志安，方大同，何韻詩，黃耀明同古巨基，每位歌手每人大約唱 4 首歌，估唔到成晚嘅高潮會係許志安，佢一唱番啲舊歌，成場觀眾都跟住一齊唱！成個演唱會大約 11:00 完成，真係多謝哂雲迪嘅飛！

音樂會場地

音樂會開始

第 1 位表演歌手 - 陳奕迅

之後到容祖兒


再黎係盧巧音

之後係吳雨霏

方大同

謝安琪

高潮位 - 許志安

何韻詩


明哥

最後壓軸係古巨基

林海峰是但o翕之神級婚禮

今日同狐老公，狐細佬同雲妮去睇林海峰是但o翕 Talk Show，今次主題係關於結婚！

Show 頭段係阿 Jan 1 個人棟篤講，內容都幾搞笑，學毛毛講，可能因為結咗婚，佢所講嘅嘢都有另一番感受，超爆笑；而且中間仲加插咗有阿 Paul 表演添！之後就開始進入今日嘅主題，神級婚禮！

呢個神級婚禮超精彩，首先有阿葛嘅神父，之後請咗 1 對今年結婚嘅新人上台（狐太無聽阿 Jan 嘅節目，不過狐太估呢對新人應該係參加咗佢個節目嘅遊戲贏咗，所以有機會喺今次個 show 出現），幫佢地搞咗呢個神級婚禮！

同佢地講完一輪，阿 Jan 就坐住 1 隻超大鑽石戒指，唱住佢老婆首＂小玩意＂由天飛落黎，嘩，超開心，如果狐太係台上嗰對新人，狐太應該會開心到笑唔停！之後有阿葛同阿 Jan 嘅歌舞表演，之後就有 "Princess Kay" 出場為呢對新人送上祝福！

實在太好睇喇，唔知阿 Jan 下 1 次 Talk Show 係幾時呢，要留意住先得！

俾大家睇吓呢個 Show 嘅精彩照片先！

今晚嘅舞台

今次 Talk Show 嘅代表木偶公仔

開場喇

阿 Jan 係個木偶公仔攞住個結他行出黎

個人 Talk Show

阿 Paul 出場表演

木偶個鼻縮咗入去，代表神級婚禮正式開始

阿葛神父

呢對就係神級婚禮嘅主角

個樓梯幾靚

巨形戒指加阿 Jan

唱緊＂小玩意＂

巨形乳豬

＂乾杯＂

"Princess Kay"

為 1 對新人獻唱

成個神級婚禮禮成

落幕

草蜢忘我演唱會

今日同狐老公去咗睇草蜢忘我演唱會！

收工即過紅磡先去 Poly 醫肚，之後先慢慢行去紅館睇演唱會！大約 8:30 到準時開 show ，整個演唱會最精彩既部份就係佢地唱會番梅姐啲歌，非常之好聽，另外當然唔少快歌熱舞喇！原來唔講真係唔覺，草蜢已經成立咗 25 年，所以啲粉絲都係同狐老公同狐太差唔多年紀甚至更大，但係都仲好熱情，會＂聞歌起舞＂， 勁！總括黎講今次演唱會都 ok ，而且發覺原來坐山頂位都幾 good ，因為無摭無擋！

喺山頂影落去嘅舞台，主題係 "Getting Wild Tonight"

 

唔同嘅燈光效果

 

佢地當晚嘅第 1 套衫

 

個人獨照

 

第 2 套衫，呢個時候當然係勁歌熱舞喇

  

最精彩嘅部份，唱梅姐啲歌

 

第 3 套衫，阿細稍後仲除咗件披展露佢嘅肌肉添呀