聖誕貓貓日

今日係聖誕節，祝大家聖誕快樂 ！  

今日無乜特別嘢做，所以狐老公同狐太約埋林同學一齊入屯門同娜娜同榮總睇戲，今日睇＂福摩＂，套戲都幾好睇，不過戲入面嘅＂福摩＂就同由細識到大嗰個＂福摩＂有啲距離，因為佢同華生都變成咗做 1 個好好打嘅人！

睇完戲之後就上咗娜娜家，又可以見到佢 4 位囝囡，狐太仲同佢地影咗好多好多相添 ！  

介紹佢地 4 位俾大家認識：

大哥 － 大舊粒粒

2 哥 － 比比

3 家姐 － 怕醜嘅妹妹公主


4 妹 － 叮叮郡主


今個聖誕就係喺佢地 4 個陪伴中度過咗喇！

2009 年聖誕扒地

今日係平安夜，狐老公同狐太約咗林同學佢地上黎開聖誕扒地！

今次大家叫到會，由迪迪仔兩公婆負責，食物好豐富而且好好味！

大家又傾又食，過咗一個好開心嘅平安夜，亦都要多謝娜娜，偉哥同甘妹專情喺英國同日本帶番黎嘅手信！喺度預祝大家聖誕節快樂！

呢支就係黎自英國嘅手信

呢份係娜娜喺英國買俾我嘅手信，係 Harrods 嘢，多謝哂

呢支係購自英國嘅 Rose Wine，個樽超靚，放喺雪櫃入面會發出淡淡嘅紅光

呢支就係偉哥同甘妹喺日本買嘅白酒，同 Baileys 一樣無開過封

2009 年 Secret Santa Lunch @ BCC ＋ 聖誕燈飾 @ 又一城

今日同事之間搞咗 1 個 "Secret Santa Lunch"，其實都只係同事間一齊食 lunch 兼且交換禮物，但係點解叫 "Secret Santa" 呢，因為之前大家喺同事之間抽咗其中 1 個同事名，每個人要根據抽到嗰個人名去買禮物，但係又唔可以同其他人講抽到邊個，所以叫 "Secret Santa"！

今日嘅 lunch 係到會， order 咗 Pepperoni's Pizza，超多嘢食呀，總共有 4 個大 pizza，又有意粉，又有沙律，又有雞翼，總之就超多嘢，14 個人都食唔哂呀！

睇吓，係咪好多嘢食呢

食飽飽，當然到大家期待嘅收禮物時間，每份禮物已經貼好咗收禮人嘅名，大家收到禮物之後，就齊齊拆禮物兼影相，今日真係好開心呀，又食到好飽又有禮物收，多謝 "Secret Santa" 呀！

禮物

啤酒沈收到 1 支佢至愛嘅紅酒

陳爸爸收到保心安油同按摩貼

冰冰律師同 Y Lam 就收到佢地至愛嘅蠟燭

＂摩仔＂就收到 Q 版 Keyboard 文具

阿 Cat 收到 1 份＂証書＂，其實係因為送禮人今日病咗無返工，所以花灑整咗呢張＂証書＂俾阿 Cat，等佢聽日可以用呢張＂証書＂攞番佢份禮物

狐太收到唧花工具

阿 Dim 收到 1 個玻璃花瓶

花灑收到 M&M 朱古力同化妝品

GD 收到 Scarf

西門到收毛巾

Sa 媽收到佢至愛嘅吉蒂貓暖水杯

Fra Fra 收到好似係唇膏

雲迪收到 Body Cream

愛美麗收到 Hand Cream

放工之後落咗又一城，狐太同狐老公又喺度影吓相，又一城今年嘅主題係樂韻仙子！

好靚好大嘅聖誕樹，去到啱啱亮咗燈，先影幾張相先

影完聖誕樹，就幫唔同嘅樂韻仙子影相

呢位負責拉大提琴

呢位好似魔術師

呢位負責彈琴

呢位負責大號，狐太估應該係（Sorry，對樂器唔係好認識）

呢位負責小號

呢位唔知玩緊乜

呢位負責小提琴

呢位負責打鼓

呢位玩類似豎琴

沿路上到最頂層都有唔同嘅樂韻仙子喺度 

2009 年聖誕扒地 @ 陳宅

今日同陳李姚氏開聖誕扒地，今次舉行扒地嘅地點喺陳宅！

大約 :00 去到陳宅，等埋李氏同姚氏，先黎＂熱身運動＂，女嘅就開枱，男嘅就打機，結果今日係姚氏獨贏；做完＂熱身運動＂，當然係開餐時間！

今次有刺身同 pizza，又有焗蠔，好豐富！

先黎熟食

焗蠔

焗雞翼

呢個應該係螺

Pizza

千層肉醬意粉

粟米焗肉醬薯蓉同焗海鮮飯

呢個應該係燒牛肋骨

跟住到冷盤

帶子刺身

蟹柳

甜蝦刺身

食物大合照

今次食物預得啱啱好，無多無少，又唔會食到爆哂肚！食完嘢，因為姚氏攞咗 2 支 2 公升可樂黎（其中 1 支食嘢嗰陣消耗咗），剩番 1 支，大家又唔想攞走，所以決定玩 "789" 黎消耗埋佢！

經過一輪激戰之後，結果飲得最多嗰個係大明，佢差啲飲到爆哂肚添！

飲完可樂，就到抽禮物時間！

大家準備嘅禮物，每份禮物上面都寫咗 1 個號碼，今次用啤牌黎抽，抽到邊個號碼就攞相同號碼嘅禮物！

啤牌已準備好喇，大家以包剪揼黎決定先後次序

大家都攞到自己嘅禮物，同禮物合照，影完相，大家就即場拆埋禮物

呢個就係禮物大合照喇！

狐太同狐老公抽到嘅禮物

香味劑

可儲物嘅箱

今日玩得好開心，可惜聽日要返工，所以今日嘅扒地 10 點幾就結束咗喇，期待出年再黎過！

2009 年聖誕燈飾 @ 德福廣場

今日去開黃大仙食飯，食飯前，狐太同狐老公先落咗德福廣場影相！

德福廣場今年嘅主題係熊啤啤，四周都有好多大大細細嘅熊啤啤，好得意！

先喺 1 期到影相

熊啤啤大廳舉行緊宴會

熊啤啤跳緊舞

熊啤啤摩天輪

熊啤啤演奏音樂會

影完 1 期，行咗去 2 期，呢度有唔同國家嘅熊啤啤

先黎印度熊

瑞典熊

英國熊

波蘭熊

瑞士熊

日本熊

俄羅斯熊

意大利熊

韓國熊

中國熊

其實仲有好多熊啤啤架，不過唔夠時間，所以好多都無影到就要趕住去食飯喇，出年再影過！

2009 年 BCC 聖誕扒地 @ Zelo

今日係 BCC 舉行聖誕扒地嘅日子，今次扒地嘅地點係金鐘 PP 嘅其中 1 間餐廳 － Zelo！

餐廳間開咗 1 個獨立地方俾 BCC，現場有 4 張小圓枱同 2 張大圓枱，枱面上每 1 個座位都有 1 份禮品包或者係 1 頂聖誕帽！

呢份就係禮品包喇

枱嘅合照

大家坐定定之後，開餐喇！

先有 1 籃麵包同餐湯

食完麵包同埋飲完湯之後，就黎頭盤喇，頭盤有 3 樣選擇，分別有沙律，帶子同煙三文魚，

 

狐太就揀咗帶子，好味！

呢個就係帶子喇

呢個就係沙律，份量好似都好多

食完頭盤，就黎個煎鵝肝，超香，不過狐太麻麻地鵝肝，所以請咗啤酒沈食！

呢個就係煎得超香嘅鵝肝喇

食完鵝肝，當然到 main course 喇，main course 同頭盤一樣，有 3 個選擇，分別有牛扒，三文魚同埋火雞，狐太揀咗三文魚，都好好味！

呢個三文魚真係整得好好味

食埋 main course ，就到所有同事都好期待嘅抽奬環節喇，今年嘅大奬同往年一樣都係相機，今年係 Canon S90，結果得奬者係阿 Be，佢已經係第 2 年抽到相機喇！

其他奬品仲有 Origins 護膚套裝（由阿 Dim 抽中），＂蟹樹＂護膚套裝（由 Sa 媽抽中），電子相架（我抽中），Giga Sports Coupon（由黃小姐抽中），迪迪尼酒店住宿 Coupon（由阿 Sa 抽中），諾基亞電話（由西門抽中），Wii 套裝（由 Fra Fra 抽中）！

雖然禮物只係得上面咁多份，但係抽唔到奬嘅同事每人都有 1 份安慰奬，就係 1 個超大嘅 Hamper，可以話係皆大歡喜！

狐太抽到電子相架

呢份就係安慰奬，超大嘅 Hamper

抽完禮物，就到食甜品時間，甜品有 3 款，有青檸椰子，Tiramsu 同埋朱古力，3 款都好味！

青檸椰子，好 fresh 好好味

Tiramsu，狐太覺得味道都唔錯

好濃郁嘅朱古力，狐太最 like，好味


食飽飽，大家吹水嘅吹水，飲酒嘅飲酒，影相嘅影相；今次嘅扒地真係好開心！


今日係 Y Lam 生日，喺度祝佢生日快樂，青春常駐，快啲同羅賓結婚！

早黎嘅聖誕禮物

早排同愛美麗去咗 Zara 睇衫，俾狐太見到有條圍巾好靚，不過狐太麻麻地鍾意圍嘢喺條頸到，而且價錢對狐太黎講有啲貴，結果喺愛美麗極力阻止之下，狐太當然無買到呢條圍巾喇！

今日返到公司見到枱面有個 Zara 袋，原來係 Y Lam 同愛美麗送俾狐太嘅聖誕禮物，係狐太喺 Zara 見到好鍾意嗰條，因為佢地見狐太病咗，所以決定提早買黎送俾狐太，等狐太可以圍住條頸，無咁易冷親，真係多謝哂 Y Lam 同愛美麗，狐太好鍾意呢份禮物，一定會戴住佢架！

 
今年第 1 份聖誕禮物

2009 年工展會

今日諗住同狐老公去工展會行吓！

唔知係咪因為早餐食咗個 M 仔記，狐太食完無耐就開始覺得啲腸胃唔係好舒服，去到銅鑼灣，已經開始覺得想嘔，狐老公見狐太唔係好舒服，即刻搵個地方坐低休息吓；一坐低無耐，狐太就忍唔住要走入廁所嘔，結果嘔咗 3 次，成個 M 仔記嘔番哂出黎！

其實嘔完最後 1 次個人已經好少少，而且又坐咗咁耐車，一場出到黎銅鑼灣，無理由就咁返屋企，所以都買飛入去工展會；可惜狐太一入到又開始唔舒服，結果得狐老公自己 1 個行，狐太就入咗廁所等嘔第 4 次！

狐太實在太唔舒服，所以狐老公都只係行咗半個鐘到就走番出黎同狐太返屋企休息，真係可惜；狐老公都買到少少嘢，分別係 1 袋嘉頓福袋，另 1 袋就有一啲電筒仔同埋 1 個 Meyer 暖壼！

嘉頓福袋 - 有成 10 包餅，$4x，都 ok ，最緊要係個袋，狐太想要咗幾年喇！

呢個就係 Meyer 暖壼，$100 有找，都 ok 好用

返到屋企狐太即刻大昏迷，夜晚仲發燒添，等好番再同狐老公去多次工展會！

另外今日係夏雨生日，喺度祝佢生日快樂，同大 Ka 開開心心 ！

2009 年聖誕燈飾 @ 尖東 + 1881

今日又去影相喇，今次同埋狐老公一班同事一齊去尖東影相！

先喺尖東影咗一陣相

噴水池旁嘅燈飾

影完噴水池，沿尖東海旁行返去碼頭嗰邊

尖沙咀中心

尖沙咀海旁

永安 plaza

洲際酒店，好有法國名店 feel

喺星光大道見到個構圖幾得意，所以影咗

喺太空館方向影返過去嘅半島酒店，呢張係最滿意嗰張


前水警基地 1881