狐妹妹交留位費 @ 呂郭碧鳳

之前狐妹妹收到呂郭碧鳳既收生信，佢定咗 11 月 25 至 28 或 12 月 1 至 4 要去交留位費；雖然係平日，但因為決定咗狐妹妹都係返呢間學校，所以狐媽媽今日請咗半日假專情幫狐妹妹去交留位費！

放工坐車去到學校，去校務處交低留位費就搞掂，校務主任話大約 4, 5 月到會有信寄黎關於自動轉帳交學費同埋買校服；因為之前狐家姐有校服，書包，生日袋，所以只係到時填好自動轉帳表格就搞掂喇！

安樂哂，希望狐妹妹同狐家姐一樣，鍾意呢間學校同開心返學！