狐老公生日 ＋ Housewarming

今日係狐老公生日，喺度祝狐老公生日快樂，開開心心 ！  

雖然今年狐太無安排到任何節目同禮物，但係就有林同學佢地一班朋友黎同狐老公慶祝！狐太先約咗 lunch 一齊飲茶，有成 9 個人出席呀，狐老公同狐太 2 個喇，林同學喇，迪迪仔 2 公婆喇，朱仔 2 公婆喇，昌昌，仲有難得放假嘅陳其添！

飲完茶，大家先拉大隊去參觀林同學新居，仲同佢位好熱情嘅小公主玩添，之後就再上狐家到 housewarming！

大家參觀完一輪之後，就開始玩 wii 喇；狐太當然係用”美少女跳舞”黎招呼佢地喇；大家今次玩協力過關，第 1 組參賽者係林同學同陳其，估唔到林同學咁利害，佢同陳其幫狐太以超高分數過咗第 1 關屋仔，之後就輪到第 2 組參賽者朱仔 2 公婆，朱仔仲利害，佢同林同學簡直係”舞王”，第 3 組參賽者係狐太同狐老公，狐太未掌握到個竅門，完全跳唔到，要搵”舞王”黎打救，結果今日一口氣過咗 4 關，去到”衝上雲霄”飛機關 ，狐太仲拍咗唔同組別嘅跳舞英姿添呀！  

夜晚大家就過咗大圍小肥牛打邊邊．佢地食完飯仲意猶未盡，再上番林同學到睇波兼劈酒，狐太就當然係返屋企繼續狐太嘅”舞動奇蹟”喇！就係咁，狐老公嘅生日就喺咁多位朋友陪伴下渡過咗喇！

陳其送咗支 1.8 L 嘅日本清酒俾老公，超級巨大，多謝哂陳其！