特區護照同身份証

其實由舊年已經話幫兩位狐小姐申請特區護照同身份証，但係狐媽媽一直都懶懶行無做到！

上個月終於的起心肝幫佢地申請；填好哂表寄咗諗住實無問題，點知彈番轉頭；原因係証件相唔啱規格同埋副署人漏咗少少資料無填到；要同兩位狐小姐影番正式嘅証件相同搵番副署人補番資料再交多次；今次終於搞掂喇，收到信可以去入境處攞護照同身份証喇！

今日狐媽媽見有時間就同佢地一齊去入境處攞護照同身份証！可能近農曆年嘅關係，超多人攞証，排咗成個鐘先攞到；兩位狐小姐終於有証件喇，黎緊等狐爸爸出完 trip 返黎就可以安排同兩位狐小姐衝出香港喇，期待中！