今日踏入 37W，狐 BB 足月喇，隨時都準備可以出世！為咗慶祝足月，狐媽媽同狐爸爸決定送份大禮俾狐 BB，就係狐 BB 個名喇！
其實中文名狐媽媽好早已經諗咗喇，狐媽媽好鍾意個“梓”字，所以狐 BB 個名就以“梓”字為主；至於後面個字，狐媽媽都諗咗好幾個選擇！
雖然狐爸爸同狐媽媽都唔係迷信嘅人，但係求個安心，狐媽媽都有望過吓啲改名書，大約睇過有邊啲字係夾嘅，之後再俾狐爺爺狐嫲嫲狐公公狐婆婆望過，結果最後決定用個“瀅”字，狐 BB 個名就咁誕生咗喇！
至於英文名，又係喺好早之前諗咗，狐媽媽嘅上司 Y Lam 好熱心咁提出話要幫狐 BB 改英文名，所以狐媽媽就將呢個重任交俾佢，Y Lam 真係好有心機諗咗幾個名架；經過同狐爸爸一輪商議之後，狐 BB 嘅英文名就叫 Alicia！
梓瀅，Alicia ，希望妳鍾意狐爸爸狐媽媽起嘅名喇！
其實中文名狐媽媽好早已經諗咗喇，狐媽媽好鍾意個“梓”字，所以狐 BB 個名就以“梓”字為主；至於後面個字，狐媽媽都諗咗好幾個選擇！
雖然狐爸爸同狐媽媽都唔係迷信嘅人，但係求個安心，狐媽媽都有望過吓啲改名書，大約睇過有邊啲字係夾嘅，之後再俾狐爺爺狐嫲嫲狐公公狐婆婆望過，結果最後決定用個“瀅”字，狐 BB 個名就咁誕生咗喇！
至於英文名，又係喺好早之前諗咗，狐媽媽嘅上司 Y Lam 好熱心咁提出話要幫狐 BB 改英文名，所以狐媽媽就將呢個重任交俾佢，Y Lam 真係好有心機諗咗幾個名架；經過同狐爸爸一輪商議之後，狐 BB 嘅英文名就叫 Alicia！
梓瀅，Alicia ，希望妳鍾意狐爸爸狐媽媽起嘅名喇！
沒有留言:
張貼留言