給 BB 買禮物 (15)

尋日探完哈林仔，見到佢有個好正好得嘅睡眠籃，返到屋企即刻做資料搜集，睇吓邊度有得賣類近嘅籃！

大 Ka 媽媽個籃係喺大型親子中心到買嘅，都買咗一段時間，咁啱 search 到有另 1 個牌子都有類近款式嘅籃，價錢都可接受，於是心急媽媽決定今日拉狐爸爸出去買！

個籃真係好 good，方便移動又慳位；當行出行入可以帶埋 BB 同個籃一齊出入！如果地方淺窄無位放 BB 床，又可以暫時用呢個籃當床仔俾 BB 瞓，仲可以放喺任何位置添！

雖然個款式好類近，但係大 Ka 媽媽嗰個穩陣啲，因為佢個底係硬膠，而狐媽媽買呢個款式個底係軟身嘅，狐爸爸同狐媽媽都擔心佢承托力唔係幾好，不過既然都買咗，應該問題不大，希望狐 BB 啱用喇！

 

安全睡眠籃

 

未打開之前嘅樣，幾慳位

 

打開之後嘅樣

另外決定咗如狐 BB 要補奶粉，就食日本雪印，狐媽媽仲發現到旺角有間特約經銷商賣得幾平；如果狐 BB 啱食的話，就即刻大量入貨！

 

雪印奶粉