第 9 次政府產檢 + 烚奶樽 @ 產假第 5 日

今日係產假第 5 日，又返威記做產檢！

今日產檢時間係 11:45，可能因為接近中午，所以唔係太多人，好快都叫名入去見醫生！不過估唔到除咗叫名快，見醫生仲快，5 分鐘就摸完肚出返黎！

檢查完之後又返屋企繼續為狐 BB 準備定啲嘢，今日主要係烚奶樽，因為第 1 次用個奶煲，唔係好曉，好彩大 Ka 媽媽都係用同 1 款奶煲，佢教咗狐媽媽點用之後即開始洗奶樽同烚奶樽，大 Ka 媽媽仲教可以隔日就烚 1 次奶樽！

狐媽媽重量：66.6kg
狐 BB 週數：38W4D