近期馬鞍山有個新盤開售，狐太同狐老公見今日無乜嘢做，於是學人走去睇示範單位！
當去到尖東站沿路行上去地面嘅時候，已經遇到有人＂攔途截劫＂；上到地面嗰陣，不停有人走埋黎問係咪睇樓，但係都仲可以避過佢地！當行到擺示範單位嘅商場附近，啲人開始失控，佢地一見到有人走埋商場附近就即刻全部蜂擁而上，係咁不停圍攻狐老公同狐太，狐太仲俾啲人迫到坐咗落地下幾次添！結果狐老公同狐太抵唔住佢地嘅＂熱情＂，即刻調頭走，但都俾佢地追收嘢追咗幾條街！
原本打算打道回府，但係既然一場出到黎，於是打俾相熟嘅 agent，咁啱佢都約咗客出黎睇示範單位，所以決定等個 agent 到黎帶狐老公同狐太入去參觀！
Agent 好快到咗，佢即刻先將 1 份樓盤資料俾狐老公攞住（用意係話俾行家知呢個客已經有 agent 架喇），之後就入去睇示範單位，沿路經過返頭先俾人＂圍＂嘅地方都仲有啲驚；入到去，都仲算人山人海，啲示範單位都幾 ok ，可惜價錢 out budget 咗好多，所以睇完示範單位，聽完個 agent 講解之後，攞咗啲單張就走人，足足都搞咗成 2 個幾鐘！
當去到尖東站沿路行上去地面嘅時候，已經遇到有人＂攔途截劫＂；上到地面嗰陣，不停有人走埋黎問係咪睇樓，但係都仲可以避過佢地！當行到擺示範單位嘅商場附近，啲人開始失控，佢地一見到有人走埋商場附近就即刻全部蜂擁而上，係咁不停圍攻狐老公同狐太，狐太仲俾啲人迫到坐咗落地下幾次添！結果狐老公同狐太抵唔住佢地嘅＂熱情＂，即刻調頭走，但都俾佢地追收嘢追咗幾條街！
原本打算打道回府，但係既然一場出到黎，於是打俾相熟嘅 agent，咁啱佢都約咗客出黎睇示範單位，所以決定等個 agent 到黎帶狐老公同狐太入去參觀！
Agent 好快到咗，佢即刻先將 1 份樓盤資料俾狐老公攞住（用意係話俾行家知呢個客已經有 agent 架喇），之後就入去睇示範單位，沿路經過返頭先俾人＂圍＂嘅地方都仲有啲驚；入到去，都仲算人山人海，啲示範單位都幾 ok ，可惜價錢 out budget 咗好多，所以睇完示範單位，聽完個 agent 講解之後，攞咗啲單張就走人，足足都搞咗成 2 個幾鐘！
今次嘅＂戰利品＂
經過今次魯莽睇樓之後，狐老公話下次如果再有睇新樓嘅機會，唔理三七二十一，先攞咗其中 1 個 agent 嘅咭片先，咁樣就唔怕再俾人＂圍＂！
今日買咗隻 Winning Eleven 2009 送俾狐老公，原本諗住當驚喜，點知狐老公好快估到，而且仲俾佢發覺到狐太買嘅係水貨，唔係行貨，仲要 check 到買貴咗成百蚊添，驚喜不足，唔開心有餘！
貴嘢水貨 - Winning Eleven 2009
沒有留言:
張貼留言