517 BBQ

今日約咗陳李氏加車厘去 BBQ，唔知係咪因為今日天氣比較熱 ，所以當大家去到泥涌郊野公園嗰陣，竟然係大把爐選擇！

選定咗爐，就開始燒嘢食，今次兔兔介紹咗大家燒豆腐卜；狐太第 1 次燒，估唔到幾好味，燒完個皮脆卜卜，好似臭豆腐咁，加埋啲辣椒豉油，正，好味！  

燒完嘢食，大家就拉大隊過黎狐家度打牌打機，今次部 PS3 大派用場，因為大明細佬都有機，所以佢帶埋啲 game 同手掣過黎，所以男嘅就打機，女嘅就打牌，今次大贏家係車厘，而狐太就係大輸家，睇黎狐太要好好磨練一下牌技先得！