今日係勞動節，當然要＂勞動＂一下！
中午先同狐公公狐婆婆飲茶，之後狐爸爸提議去沙灘行吓；狐家姐當然舉腳贊成喇，因為佢恨去沙灘好耐！
今次去聖士提反沙灘，去到人都唔算太多；搵咗個地方坐低，就幫兩位小姐除鞋除襪捲起褲腳，就出發去感受吓沙灘嘅沙同海水！
狐家姐見到有咁多沙勁開心，不停玩，又同狐爸爸走去淺水地方玩水；狐妹妹當然都好興奮，一放佢落啲沙到就開心大叫，落水又開心大叫，狐媽媽仲教狐妹妹彎腰試吓接觸湧埋黎嘅水添！
玩到咁上下，見太陽伯伯開始準備放工，加上大風咗，就同兩位小姐去沖洗然後打道回府；兩個玩到唔捨得走，下次要早啲黎同埋買啲沙灘玩具俾佢地玩！
沒有留言:
張貼留言