買咗至少半年嘅海洋公園飛，終於決定今日去！
原本見天陰陰想取消，但因為 15 號到期，最後都係如期照去！執拾好行裝，約好咗狐嫲嫲就向海洋公園出發！
大約 11:30 去到海洋公園，幫狐嫲嫲同狐家姐買飛就入園喇，因為狐叔叔同狐嬸嬸已經等咗好耐！
會合咗狐叔叔同狐嬸嬸，就向威威劇場出發睇表演；睇完表演，就去坐狐家姐至愛嘅纜車；狐妹妹係第 1 次正式坐纜車，同狐家姐一樣，唔驚，仲好開心添！
上到山上，因為已經係午飯時間，揀咗纜車站隔離嘅灣景餐廳醫肚；食飽飽就去睇水母同埋海豚，之後再坐番纜車落山返屋企休息！
沒有留言:
張貼留言