準備迎接 BB 第 5 擊 - 煲薑醋

今日八珍送甜醋黎，狐 99 就開始幫狐媽媽煲薑醋！

狐 99 一早就買定啲薑，批好哂皮，炒過同壓扁哂，之後等啲醋送咗黎就同狐 62 一齊攞埋 2 個煲過黎開始煲薑醋！

狐 99 跟八珍教嘅方法去做，先放哂啲薑入煲到，然後放上爐頭，加入甜醋，跟住開火煲滾啲薑醋！

原本狐 99 攞咗佢平時用黎煲湯嘅煲過黎，但係個煲漏醋，狐 99 要臨時出街再買第 2 個煲返黎，就喺狐 99 出咗門口無耐，啲薑醋因為開得太大火而滾瀉咗，要麻煩狐 62 一齊抹番乾淨！

清潔番個廚房之後繼續開火煲，今次狐 99 就用咗細火黎煲，大約煲咗個幾 2 個鐘就熄火，下個禮拜再開火再煲，辛苦哂狐 99 喇！

 

20 斤甜醋

 

2 支黑糯米醋，呢個八珍教係加豬手豬腳嗰陣先加入去，暫時唔使用住

 

呢煲係大嘅薑醋

 

呢煲係細嘅

尋日見好天，繼續洗狐 BB 嘢，今次洗咗冷氣被同 1 張毛巾毯，另外仲洗埋啲手套，腳套同襪仔，仲有 2 個枕頭仔！