仁安產前講座第 4 堂《產前及產後運動》@ 31W3D

今日去仁安上第 4 堂產前講座，因為落大雨關係遲大到，上到去都已經過咗 7:30，媽媽們已經開始咗做熱身運動！

安定好哂，即刻跟住物理治療師做運動，其實啲運動同上次喺威記上嗰啲差唔多，只係多咗啲時間練習，主要都係拉吓，鬆吓啲筋，跟住做一啲舒緩腰痛嘅運動！狐爸爸覺得今堂運動堂好有趣又有用，仲問有無多幾堂上添！做完運動，雖然啲肌肉係好痛，但係感覺好似鬆咗，真係要返屋企做多啲先得！

做完產前運動，當然都有講少量產後運動，仲有 CD 送添！

 

今堂嘅 notes 同 CD