給 BB 買禮物 (11)

今日原本係去私家做產檢嘅日子，去到診所先知醫生去咗＂執仔＂，如要見醫生就要去港安醫院，所以狐媽媽改 2 個星期後做產檢！

既然無得見醫生，購物狂媽媽決定落旺角為狐 BB 購物！狐媽媽先落咗花園街為買咗 4 條大浴巾，之後又去咗 BB care 到繼續購物！

狐媽媽今次係有目標而去架，一來佢有免費禮品，二來因為佢又做減價，思詩樂乾綿 $99／4 包，Goon 尿片又做緊 $340／4 包，另外仲有啲玩具都做緊減價！狐媽媽今次好叻，只係買咗 4 包思詩樂乾綿，1 個 pooh pooh 頭被夾同埋 1 個超可愛嘅 pooh pooh 搖鈴！狐媽媽原本想買 1 個 pooh pooh 床邊吊飾，又係電動，又有音樂，但係最終都無買到，都係再諗諗買唔買得過先！

 

今日嘅免費禮品

 

4 包思詩樂乾綿

 

Pooh pooh 頭被夾

 

Pooh pooh 搖鈴

 

4 條浴巾

今日係兔兔嘅生日，喺度祝佢生日快樂，心想事成，想嗰樣有嗰樣！