《嬰兒成長發展與開心食物的認識》講座 @ 30W3D

今日又去聽講座，由美贊臣主辦，講座嘅地點係浸會大學！

個講座 8:00 開始，原本以為去浸大聽都 ok，點知完全錯哂，首先搭車唔再講，坐地鐵去，10 架車都仲未上到，仲要俾人（係阿公阿婆）迫／推撞！

去到又一城，無位食嘢，結果去咗食炸雞；食完再喺又一城行過去浸大，諗住好近，點知遠到屎，好彩舉行地點係喺舊校舍嗰邊，以為好快到喇，點知原來要行超多樓梯，辛苦到爆；去到會場，廁所又要行好遠／落 1 層，簡直攞咗狐媽媽條命，返到埋位攰到屎咗，搞到無乜心機聽，結果聽完頭嗰部份就決定走人！

諗住填完問卷交返又有禮物收，點知個工作人員收完張問卷就走咗去，無嘢講又無禮物，唔通提早走唔俾禮物？至衰無問，如果有問，應該都會有禮物，搞到狐 BB 少咗罐奶粉食，仲要搞到個人攰到爆，蝕！