小甘妹出世 ＋ 清潔行動第 2 回

恭喜偉哥同甘妹，囡囡喺尋日健健康康出咗世喇，真係好消息呀，喺度祝小甘妹快高長大，聽教聽話，大個咗好似媽媽咁靚女！

講番新屋，今日又再上去搞清潔；經過咗星期日嘅清洗，今日好好多，無星期日咁辛苦，今次主要都係要吸塵，拖地同抹窗，但係都搞咗成兩個鐘，廚房同廁所都只係係咁二洗吓咋，聽日可能會有櫃送黎，睇黎聽日又要再上去做清潔女工喇！