裝修進度 @ 第 23 日

今日又上去新屋到巡喇，師傅終於拆咗啲電掣板落黎喇，但係拆漏咗 2 個 ，要叫師父聽日拆埋去；另外走廊嗰 2 盞燈師傅無拆到，所以狐太再提提求師傅幫拆咗去！  

至於幅有問題嘅牆，師傅已經跟進緊，而家應該等啲英泥乾，跟住就會線灰，線完再油油，睇黎就好似問題不大！

另外師傅清走咗窗上面啲貼紙，當堂覺得個窗又大又清又靚 ；另外師傅亦裝咗大門門頂同埋換咗廚房個門頂，唔錯，唔錯，亦都執咗啲細微地方，師傅仲話會黎緊星期五或六會裝埋個廁所同啲水龍頭，希望師傅再開行個 turbo，快啲搞掂間屋喇！