2013 年聖誕假期回顧

話咁快又過咗個聖誕假期，今年都無乜去到任何地方，可能湊住兩個，加上狐妹妹仲細喇，可能出年會出動多啲！

12 月 24 日

平安夜呢日放半晝，返到屋企兩位狐小姐瞓緊晏覺，等佢地醒咗就出咗新城市同狐姨姨狐姨丈食飯，食完飯原本想睇燈飾，但太多人，只得狐姨姨同狐姨丈帶狐家姐睇燈飾，睇完就返屋企！

12 月 25 日

聖誕正日，約咗陳李姚氏開扒地，交換吓禮物（小朋友們），之後又出吓新城市行一陣就返屋企！

12 月 26 日

Boxing day 帶兩位狐小姐去參加媽媽會喺某大屋苑會所搞嘅聖誕扒地，可惜狐妹妹中途瞓咗覺，唯有提早走喺馬鞍山行咗陣又再出新城市！

12 月 27 日

狐媽媽同狐爸爸攞咗假陪兩位狐小姐，原本打算同佢地去睇恐龍，點知去到科學館狐家姐話驚唔肯入去，結果去咗隔離歷史博物館消磨時間，臨走時狐媽媽同狐嫲嫲同狐家姐影咗張懷舊相添！

今年嘅聖誕就咁好悠閒過咗，出年等狐妹妹會行會走，一定同佢地去多啲地方玩！