Housewarming @ Sze 家

早喺舊年，大家已經約好今日去 BBQ ，但係由於種種原因，加上鄭氏回歸沙田，所以決定改去鄭氏新居 housewarming！

今日陣容都算鼎盛，獨欠陳氏同康氏，主場當然一早喺屋企靜候大家光臨喇，梁氏同楊氏亦都喺下晝去到鄭氏屋企大戰四方城，而狐家同夏氏就黃昏時間到達，之後 10 個人齊齊圍住枱邊講邊笑邊食邊打邊邊，食飽飽仲有三嫂嘅桂花糕同 Sze 嘅芒果布甸做飯後甜點，非常之滿足！

食飽飽，大家就分成 2 組玩 pictionary ，結果由狐家，啤男，三嫂同夏雨呢組勝出 ，今日玩得非常之開心，亦都多謝鄭氏嘅熱情招待，期待農曆年嘅團拜！