齊齊做業主

踏入 2009 年，身邊都陸續有唔同嘅喜慶事發生，最開心當然係狐太榮升做業主喇，咁大個女第 1 次做業主呀，勁期待！

繼狐家做咗業主之後，林同學亦都搖身一變成為業主，真係可喜可賀，佢仲喺 2 號嗰日收齊所有鎖匙，可以開始為佢自己嘅新天地扮靚靚喇！

今日，亦都知道另 1 位朋友將會加入業主之列，佢就係毛毛喇，佢仲要買咗狐太嘅目標添呀，而家只係差簽名咋，大筆一揮之後，要熱烈歡迎毛毛成為業主，恭喜恭喜 ，希望今年會陸陸續續收到其他好消息喇！