927 蒲台島南丫生態之旅

今日狐媽媽同狐爸爸參加咗由狐爸爸公司舉辦嘅蒲台島南丫生態之旅！

狐爸爸同狐媽媽一早出發去尖咀鐘樓集合，之後就坐船出發去蒲台島！大約坐咗個半鐘到就到達香港最南邊嘅蒲台島！落船買咗支薏米檸檬解渴，之後就出發行上燈塔影團體相。行咗個半鐘就返番碼頭上船去南丫島食海鮮午餐！

午餐有蝦，魚，龍蝦，鮑魚，扇貝等，飯後仲有支榴槤雪條食；食完就出發去南丫島漁民文化村參觀同玩無勾釣魚，之後就坐番個半鐘返番去鐘樓解散！

今日天清氣朗，期待下次再參加呢類活動！