人生第 1 步

又一次引證要同差唔多年紀嘅 BB 或小朋友玩先會學嘢快！

自從年初七帶狐妹妹去見哈林妹之後，狐妹妹今日終於踏出咗佢人生嘅第 1 步喇！

哈林妹原本同狐妹妹差唔多大，但因為喺肚入面唔吸收要早出世，結果哈林妹比狐妹妹大咗半個月，哈林妹都係呢幾日先開始放手自己行幾步！

狐妹妹見完哈林妹之後，佢已經試咗幾次自己企喺度，其實佢可以扶住嘢打橫行；今日試吓叫佢自己行過黎狐媽媽度，佢真係行咗 1 步；雖然係 1 小步，但狐媽媽相信狐妹妹好快會識行，追追逐逐嘅日子又來臨喇！