收到合一堂 Offer

上個月同狐家姐見完屋企附近嘅合一堂，狐家姐當日表現都唔錯，都應該好大機會收佢讀 K 班！

月頭嗰陣知道狐家姐 N 班幾個同學仔都有去 in 合一堂，仲收咗佢地上晝班兼交埋留位費，但狐家姐一直都收唔到通知；打過去學校問，學校又話佢地仲寄緊信，而且無論收唔收都一定有信通知；等到頸都長，今日終於收到信喇！

收到時都諗實係唔得架喇，點知佢地收狐家姐上晝班後補；都好，如果最終都入唔到上晝班，都仲有下晝班，最緊要係佢收狐家姐，唔使再坐車上上落落咁辛苦喇！