新玩具 - 象印麵包機 (BB-HAQ10)

由狐 BB 食固體食物開始，佢就超鍾意食麵包，眼見狐 99 日日都要買定麵包俾狐 BB 食，又見好多 1010 媽媽自家整麵包，同狐爸爸商量完後，決定買 1 部麵包機！

經過狐爸爸一輪資料搜集後，狐爸爸屬意 2 大牌子嘅麵包機，1 個係 Panasonic ，另 1 個係象印！

先講 Panasonic ，佢喺香港本身無得賣，如果係就要喺台灣訂返黎；由於係台版，所以要另配 1 隻啱香港用嘅火牛！亦都由於佢係台版，香港係無得保養，如果需要配零件，又係要喺台灣訂返黎；但係佢勝在多功能，可以做到好多唔同包種，同埋有好多麵包書都係以佢黎做藍本！

至於象印，佢勝在夠”的色”，啱哂狐家呢啲無乜地方嘅小家庭，同埋佢有保養，要維修或者訂配件都可以喺香港搞掂，但係佢價錢就偏貴同埋無乜 function！

經過一番考慮，最終決定買象印，話哂有乜事都可以搵到香港代理搞！

熱烈歡迎象印麵包機，狐 BB 以後有新鮮麵包食喇！