狐 BB 被取錄了 @ 呂郭碧鳳

上星期六同狐 BB 去完呂郭碧鳳 interview，老師話下個禮拜（即呢個禮拜）會收到通知收唔收！

 

狐媽媽見狐 BB in 得麻麻地諗住無機會，點知尋日放工返到屋企見信箱有信，以為係另 1 間叫狐 BB 去 interview，點知拆開原來係呂郭碧鳳寄黎嘅通知書話收狐 BB 讀下午班，真係估唔到又驚喜！

雖然唔係第 1 意願，但都決定先交留位費，之後睇吓會唔會再有第 2 間較為近嘅會叫狐 BB 去 interview 同收佢；點都好，而家都叫做有學校收，都叫放吓心頭大石，唔使驚狐 BB 無書讀；呢份可以話係狐 BB 13 個月好好嘅生日禮物！