王二少出世喇！

今朝早皇帝問狐太點解咁晏都未見 Don Don 返工，平時都好早就返到公司；經佢一問，狐太即打電話俾 Don Don，原來佢身在醫院呀！

佢由尋晚開始見紅呀，所以要即入院，因為見紅就即係代表 BB 有機會喺未來 1 至 2 日內出世！

知道 BB 將會出世，狐太都不便再同 Don Don 傾咁耐；點知食完 lunch 之後，Miss Chan Chan 已經話 Don Don 生咗喇！真係估唔到咁快呀，果然生第 2 胎係快啲！

因為阿囝俾預產期早咗差唔多 3 個禮拜出黎（原先預產期係 16 號），所以出世時磅數只係差唔多 6 磅，都叫 ok 喇，可以之後慢慢追返，身體健康就可以喇！

喺度再次恭喜 Don Don 同琦哥，祝阿囝健健康康，肥肥白白！